Conciencia de clas

De Uiquipedia
Saltar a: navegación, buscar

Según Marx, la esplotación y enaxenación de la burguesía sobro'l proletariáu ye un fechu y el poder atalantar esa llóxica como antagonismu ye conciencia de clas. El so opuestu sedría l'alienación; la imposibilidá de ver la esplotación capitalista na propia vida cotidiana.

Primer etapa na teoría de la conciencia de clas[editar | editar la fonte]

El marxismu, posteriormente, diose cuenta que nun tol proletariáu tenía conciencia de tala esplotación, polo que davezu ye necesaria una actividá d' axitación y propaganda, un tema que ficieron históricamente primero los partíos (comunistes y socialistes) y llueu los distintos movimientos políticos intelectuales y subversivos ente los cualos había munchos paramilitares.

Na conciencia de clas ye perimportante dotar al marcu explicativu de fundamentos sólidos que puean esplicar lo social en contestos determinaos y una suerte de teleoloxía que permita atalantar la direición d'un proyectu de naturaleza opuesta a los intereses dominantes, ello ye, capitalistes.

A los eventos que suponíen conductes contradictories presentes nun porcentax significativu de la población non-burguesa llamóse-yos contradicción de clas, cosa que foi posteriormente cuestionada pol marxismu que postulaba que la conciencia de clas podía contener en sí mesma espacios de contradicción de clas por culpa de la manera totalizante en qu'opera el capitalismu sobro la sociedá.

Conciencia de clas nes sociedaes contemporanies[editar | editar la fonte]

Les tresformaciones sociales progresives dende'l sieglu XX promovieron una complexidá estraordinaria nel entramáu social lo qu'afectó abondo la teoría temprana de conciencia de clas, fechu asumíu tanto pol neomarxismu como pol posmarxismu. Por embargu les causes d'esta multidimensionalidá tienen nos siguidores y revisores del pensamientu de Marx el mesmu raigañu históricu: l'alienación producía poles estratexes de dominación capitalista.

Bibliografía[editar | editar la fonte]

  • Gurvitch, Georges, El concepto de clases sociales, Ed. Nueva VisiónEn castellanu
  • Dahrendorf, Ralf, "Las clases sociales y su conflicto en la sociedad industrial", Ed. Rialp. En castellanu
  • Althusser, Louis, "La revolución teórica de Marx", Ed. Siglo XXI.En castellanu
  • Marx, Karl, "Manuscritos de economía y filosofía", Alianza Ed. En castellanu
  • Marx, Karl, "Elementos fundamentales para la crítica de la economía política (Grundrisse), I-III", Ed. Siglo XXI. En castellanu
  • Marx, Karl, "Sociología y filosofía social", Ed. Península
  • Luckacs, Georg, "Historia y conciencia de clase".En castellanu

Ver tamién[editar | editar la fonte]