Comités de Defensa de la República
 | Esti artículu o seición necesita correxise urxentemente. Tien fallos na redaición, la gramática o la ortografía que precisen meyorase. |
| Comités de Defensa de la República | |
|---|---|
 | |
| Acrónimu | CDR |
| Fundación | xunetu de 2017 |
| Estáu |
 España |
| Ideoloxía política | independentismu catalán |
| Posición nel espectru | partíu tresversal |
 | |
Los Comités de Defensa de la República (CDR) (Comitès de Defensa de la República en catalán) enantes llamaos Comitès de Defensa del Referéndum, son un conxuntu d'asamblees llocales, de barriu, comarcales y nacional col oxetivu de defender, en primer instancia, el referendu del 1 d'ochobre y la república catalana darréu, dende la estratexa de la non-violencia. Les asamblees apiguren miembros d'entidaes, partíos políticos independentistes, seutores de la economía o'l deporte y persones independientes que busquen entamar esta defensa pueblo en pueblu y barriu en barriu. Esisten tamién CDR nel estranxeru, por exemplu los CDR de París, entamáu a partir de residentes catalanes na ciudá francesa.
Historia[editar | editar la fonte]
N'abril del 2017 formóse'l Comité de Defensa de la República en Sant Cugat del Vallès. El 5 de xunu presentóse'l Comité de Defensa del Referendu nel Alt Penedès. El 4 de xunetu constituyóse'l Comité de Defensa del Referendu del distritu de Nou Barris (Barcelona).
Los CDR ñacieron como un grupu de voluntarios en setiembre del añu 2017 por asociaciones independentistes catalanes col oxetivu inicial de facilitar la realización del referendu d'independencia del 1 d'ochobre (1-O), suspendíu pol Tribunal Constitucional d'España. El so principal impulsor foi la izquierda Independentista, tamién incluyíen miembros d'otres organizaciones, como l'Assemblea Nacional Catalana, Òmnium Cultural, Partíu Demócrata Européu Catalán, Esquerra Republicana de Catalunya, militantes llibertarios, ente otros. Dempués del 1-O, los Comités foron los protagonistes de concentraciones y protestes contra'l Cuerpu Nacional de Policía y la Guardia Civil, y reconvirtiéronse en Comités de Fuelga pa la fuelga xeneral del 3 d'ochobre.
El 11 de xineru de 2018 el xuez del Tribunal Supremu d'España Pablo Llarena Conde, nuna providencia, pidió a la policía que s'intensificara la investigación de los CDR a les xuntes llevaes a cabu'l 14 d'ochobre en Sabadell, el 21 d'ochobre n'Igualada y el 4 de payares en Manlleu.
A principios d'abril del 2018 apaez na prensa noticies d'un movimientu clandestín xunionista que reacciona a los CDR: los Grupos de Defensa y Resistencia. Dedíquense a quitar simboloxía y propaganda independentista.
L'Audiencia Nacional d'España ordenó la detención n'abril de 2018 de dos miembros de los CDR acusándolos de delitos de rebelión y terrorismu
Organización[editar | editar la fonte]
Dempués de la declaración y posterior suspensión de la independencia por Carles Puigdemont y cola amenaza de que s'aplicara l'artículu 155 de la Constitución española, dellos representantes de CDR llocales y de barriu s'axuntaron en Sabadell pa coordinar futures movilizaciones. Nel actu, onde asistieron unes doscientes persones representando más de 90 CDR, desmintióse que les organizaciones fueren allegaes a la CUP, remarcando'l so calter tresversal.
«Aconceyaos en Sabadell miembros d'un centenar de los «Comités de Defensa del Referendu» de tol territoriu, dempués d'estes xornaes hestóriques nes que'l vecinderu consiguió facer efeutivu'l drechu d'autodeterminación del nuesu pueblu sicasí la represión del Estáu, proponemos avanzar xuniéndonos a nivel supramunicipal. Énte la inminente aplicación del artículu 155 o si se producen detenciones, mientres sigamos fortaleciendo la organización popular dende baxo, mos impulsaremos y mos sumaremos a les movilizaciones nes cais pa defender la voluntá popular, escontra la represión y pola retirada de les fuercies d'ocupación de la nuesa casa.»Comunicáu de la primer reunión de los CDR, Sabadell, 14 d'ochobre de 2017[1]
La selmana viniente, el 21 d'ochobre, entamó una nueva asamblea n'Igualada col oxetivu d'aldericar sobre si los CDR tendríen que coordinase y, en casu afirmativu, como teníen que facelo a nivel territorial. De l'asamblea, con más de 100 CDR representando conceyos y barrios de tol territoriu catalán, decidióse que tenía qu'haber coordinación a nivel comarcal, creando una mínima estructura téunica pa entamar los alcuentros a nivel nacional, sirvir como una ferramienta comunicativa internamente ente CDR y tener capacidá de convocar autónomamente aiciones a nivel nacional, ensin especificar qué tipu d'aiciones.
El día 28 d'ochobre celebró'l tercer alcuentru nacional n'Argentona.
El día 4 de payares axuntóse l'asamblea nacional en Manlleu pa coordinase pa la fuelga xeneral convocada pal día 8 de payares. Con esto, el llunes siguiente dellos CDR llocales entamaron aiciones descentralizaes en tol territoriu catalán. Estes consistieron en cortar carreteres importantes pa protestar contra l'encarcelamientu de Jordi Sànchez, Jordi Cuixart y los miembros del Gobiernu de la Xeneralidá de Cataluña y pa defender la independencia.
Persecuciones[editar | editar la fonte]
El día 10 d'abril de 2018, la Guardia Civil detuvo a Tamara Carrasco y ordenó la captura d'Adrià Carrasco por siguir " la estratexa del Gobiernu de Puigdemont", acusaes de rebelión y terrorismu. Tamara Carrasco foi treslladada a Madrid por orde de l'Audiencia Nacional. Darréu, los Mossos d'Esquadra detuvieron hasta 6 persones (dos de Malgrat de Mar, una d'Òrrius, una n'Arenys de Mar, una en Solsona y una n'El Pont de Vilomara) acusaes d'atentáu contra l'autoridá, desordes públicos y desobediencia. Les seis persones quedaron en llibertá con cargos a lo llargo de la mañana, dempués de declarar.
Aiciones nel estranxeru[editar | editar la fonte]
El 10 de xineru de 2018 dellos catalanes que moren na capital francesa —movilizaos pol CDR de París— se concentraron na Plaza Edouard Hérriot llevando una pancarta pa pidir la llibertá de los presos políticos de Cataluña y pa esixir que se respeten los resultaos de les eleiciones al Parllamentu de Cataluña de 2017.[2]
El 13 de xineru de 2018 pela nueche, el CDR de Bruxeles asitió llazos mariellos, una estelada y una urna —igual que les usaes nel Referendu d'independencia de Cataluña de 2017— énte l'edificiu de la Comisión Europea pa pidir que la Xunión Europea actúe nel conflictu ente Cataluña y España.[3][4][5]
Referencies[editar | editar la fonte]
- ↑ Comunicado de los ‘Comitès de defensa del Referèndum’ de Catalunya. La Haine. https://ppcc.lahaine.org/comunicado-de-los-lcomites-de.
- ↑ Error de cita: La etiqueta
<ref>nun ye válida; nun se conseñó testu pa les referencies nomaes:3 - ↑ «El CDR de Bruxeles asitia una urna del 1-O y llazos mariellos énte la Comisión Europea» (catalán).
- ↑ (en catalán)Ara.cat. https://www.ara.cat/politica/cdr-brusselles-colloca-comissio-europea_0_1942605900.html.
- ↑ «El CDR de Bruxeles enllena la Comisión Europea de llazos mariellos».
| Control d'autoridaes |
|
|---|
Datos: Q42126137
Multimedia: Comitès de Defensa de la República