Presu políticu

De Uiquipedia
Saltar a: navegación, buscar

Un presu políticu o prisioneru políticu ye una persona física a la que se caltién na cárcele o embaxo arrestu por mor de que les sos idees puean suponer una amenaza pal sistema políticu afitáu na sociedá a la que pertenez.

Magar que les opiniones o actitúes nun suelen ser llexislables, ye difícil afitar qué persones pue ser consideraes presos políticos a partir de los cargos que se-yos imputen. Davezu, munchos de los prisioneros consideraos políticos por grupos activistes son calificaos polos gobiernos a los que s'oponen de 'terroristes' o 'subversivos'.

Poro, nun ye habitual qu'una autoridá estatal o gubernamental almita la existencia de presos políticos. Polo xeneral, los críticos a talu gobiernu afirmen que los procedimientos llegales desendolcos pol Estáu tan diseñados pa ocultar la condición de presu políticu al traviés de l'atribución inventada de delitos penales o per aciu del negazu de beneficios concedíos a otros presos en situación asemeyada, o con l'aplicación de poderes especiales, como l'estáu descepción.