Castru
De Uiquipedia
Un castru ye un pobláu fortificáu de la Edá del Fierru. El poblamientu castreñu ye típicu de los habitantes d'etnia celta de la Península Ibérica, allugaos nel noroeste d'España y nel norte de Portugal.
L'asitiamientu del castru ta condicionáu pola defensa de los sos habitantes. Desta que los haiga de preferencia en llugares d'accesu abegosu, en cuetos o montes aisllaos con bona vista de la so redolada o n'Asturies na costa.
Amás presenten polo xeneral muries de mampostería nes paredes esteriores, y usa piedres afitaes en suelu pa evitar l'avance de la caballería enimiga.
Nos habitáculos que se descubrieron nos castros qu'inda se caltienen n'España hai una llosa de pizarra nel centru ú se facía la vida en común. La base de los habitáculos yera de llamuerga y piedra, siendo la cubierta vexetal.
Hailos tamién n'otres partes d'Europa de tradición celta.
