Castries

De Uiquipedia
Saltar a: navegación, buscar
Mapa de Saint Lucia.

La ciudá de Castries ye la capital de Saint Lucia, un pequeñu país del área del Caribe. Ye'l centru comercial de la nación. La so actividá xira en tornu al puertu, un de los meyores al este del Caribe. La ciudá por si mesma ye bien pequeña, malpenes tien 11.377 habitantes según el censu del 2001; poro, tien alredeor delles poblaciones que son parte de la rexon alministrativa col mesmu nome. En total, la rexón tien 64.404 habitantes, más de la tercera parte de la población nacional.

La historia de Castries entama nel añu 1650 cuando foi fundada polos franceses, anque poco queda de les primeres construcciones porque la ciudá tuvo baxo les llames 4 vegaes dende 1785 hasta 1948. El nome vien-y de Charles Eugène Gabriel de la Croix, marqués de Castries. La parte con más xaréu de la ciudá alcuéntrase al sureste del puertu, ente les cais Jeremie y Peynier, onde ta'l mercáu.

L'Aeropuertu George F. L. Charles da-y serviciu a la ciudá, pero la mayor parte de los vuelos internacionales lleguen al Aeropuertu Internacional Hewanorra, cerca de Vieux Fort, nel estremu sur de la islla. Castries tamién ta conectáu por un ferry a la ciudá de Soufriere, al oeste de la islla.

Llugareños ilustres[editar | editar la fonte]