Cabilianos

De Uiquipedia
Saltar a: navegación, buscar
Muyeres Cabilianes 1886.

Los Cabilianos, son pueblu sedentariu de llingua bereber, orixinariu de la rexón montesa de Cabilia nel noreste d'Arxelia.

Economía[editar | editar la fonte]

Anque en xeneral la so economía ta basada na agricultura —col cultivu del olivu, la cebada y el trigu—, demientres la ocupación francesa d'Arxelia entamáronse actividaes comerciales, trabayos rurales, oficios industriales y na milicia.

Cadarma social[editar | editar la fonte]

Los cabilianos tán organizaos en tribus (cabiles) y siguen una filiación patrillinial. El grupu familiar vive n'aldees con viviendes de forma rectangular, nes que nomen delegaos que s'encarguen de facer respetar los vezos de la tribu. Numberosos ritos de pasu y d'iniciación presiden les estrames etapes de la so vida.

Arte[editar | editar la fonte]

La so cerámica, fabricada poles muyeres ensin aida del tornu, ta decorada con motivos xeométricos y tien sío minuciosamente estudiada por parte de los arqueólogos por mor de la so asemeyadura coles vasixes de l'antigua Grecia.