Brownie

De Uiquipedia
Saltar a: navegación, buscar
Brownies

Un brownie (lliteralmente ‘marronín’), tamién conocíu como brownie de chicolate, ye un pastel de chicolate pequenu, asemeyáu a una galleta, típicu de la cocina estauxunidense. Nómase asina por mor del so collor marrón escuru. Delles vegaes cúbrese con fudge (sirope espesu de chicolate) y pue llevar dientro cachinos de nueces, chicolate, butterscotch (una clas de toffee cruxente), mantega de cacagüeses. Piénsase que la primera mención a un brownie ye la qu'apaez nel catálogu de 1897 de Sears and Roebuck.

Orixe[editar | editar la fonte]

Piénsase que los brownies descubriéronse por accidente, cuando un cocineru descuidáu facía un pastel de chicolate y escaeció emplegar formientu. Hai munches recetes estremaes pa los brownies, y les versiones cencielles valen dacuando como introducción a la repostería.

Presentación[editar | editar la fonte]

Los brownies sírvense calientes con xeláu (lo que denómase polo xeneral brownie à la mode) y a vegaes con nata montao (o tamién Crème double), especialmente como postre nos restauranes. La popularidá del brownie estauxunidense medró más alló de les sos fronteres, y pue atopase en munches pasteleríes d'Europa. Los brownies véndense tamién en dellos restoranes de Xapón como novedá, polo xeneral en restauranes temáticos.

Variantes[editar | editar la fonte]

Los blondies son brownies fechos con zucre moreo y ensin cacáu, que puen tener cachinos de chicolate blanco, nueces y otros dulces.

Ver tamién[editar | editar la fonte]