Bandera de Canadá

De Wikipedia
Ficha d'escuduBandera de Canadá
Datos
Entidá Canadá
Fecha d'adopción 15 de febreru de 1965 (59 años)
Proporción 2:1
Colores bermeyu y blancu
Elementos representaos Hoja de arce (es) Traducir (bermeyu)
campo (es) Traducir (bermeyu)
palu (blancu)
Diseñador George Stanley
Cambiar los datos en Wikidata

La bandera de Canadá, conocida popularmente n'inglés como Maple Leaf Flag (la bandera de la fueya de pládanu) y en francés como l'Unifolié (la Unifueya), ta formada por dos bandes verticales bermeyes y una blanca, del doble anchor que les anteriores, nel centru. Dientro la banda blanca hai una fueya de pládanu d'once puntes de color bermeyu.

Historia[editar | editar la fonte]

Mentantu la Segunda Guerra Mundial hubo la intención de criar una bandera nacional pa identificar nidiamente a les tropes canadianes pero la idea nun finará por prosperar. Nun va ser hasta'l 1960 que l'alderique por algamar una bandera nacional va adquirir rellevancia pública. La bandera bermeya cola británica nel cantón cimeru izquierdu yera impopular na provincia francófona de Quebec, mientres que caltenía gran simpatia nes zones rurales anglófones. El primer ministru Lester B. Pearson del partíu Lliberal formó un comité parllamentariu pa escoyer el deseñu de la bandera. El 29 d'ochobre de 1964 el comité escueye, por unanimidá, el deseñu creáu por George F.G. Stanley, inspiráu na bandera del Royal Military College de Canadá (en Kingston, Ontario). La nueva bandera foi adoutada pola Casa de los Comunes el 15 d'avientu de 1964. La reina Isabel II proclamara la nueva bandera el 28 de xineru de 1965. Na ceremoña oficial del 15 de febreru, en presencia del Gobernador Xeneral Georges P. Vanier, el Primer Ministru, los miembros del Gabinete y los parllamentarios canadienses, izose per primer vegada. Dende'l 1996, el día 15 de febreru celébrase el Día de la Bandera.

Banderes de territorios y provincies de Canadá

Referencies[editar | editar la fonte]

Enllaces esternos[editar | editar la fonte]