Islla Príncipe Dubardu

De Uiquipedia
Saltar a: navegación, buscar
Bandera d'Islla del Príncipe Dubardu.
Escudu la provincia.
Mapa de la Islla del Príncipe Dubardu nel conxuntu de Canadá.

La Islla del Príncipe Dubardu n'inglés Prince Edward Island o PEI, en francés Île-du-Prince-Édouard o IEP y en gaélicu escocés Eilean a' Phrionnsa ye una de les provincies de Canadá formada pola islla de mesmu nome y otres islles más pequeñes. Conozse tamién pol nomatu de "Bierzu de la Confederación", en referencia a la Conferencia de Charlottetown de 1894 que punxo les bases de la confederación canadiana, magar que la IEP nun xunió cola confederación hasta l'añu 1873, cuando se tresformó na sétima provincia.

La so capital ye Charlottetown que tamién ye la ciudá más grande de la provincia. La población estimada en 2009 yera de 141.000 habitantes. Ta allugada nun reutángulu ente paralelu 46°–paralelu 47°N, y meridianu 62°–64°30′W aprosimadamente. Con tan solo una superficie total de 5.683,91 km2, cuasi esautamente la metá de la superficie d'Asturies, ye la provincia más pequeña y menos poblada de Canadá. Ye la islla númberu 104 en tamañu del mundu y la númberu 23 de Canadá. La islla foi nomada n'honor del Príncipe Dubardu, Duque de Kent y Strathearn (1767–1820), cuartu fíu del rei Xurde III del Reinu Xuníu y pá de la reina Vitoria d'Inglaterra.



Enllaces esternos[editar | editar la fonte]