Alfonso XI de Castiella

De Uiquipedia
Saltar a: navegación, buscar
Retratu d'Alfonso XI, anónimu.

Alfonso XI de Castiella y Llión, el Xusticieru (Salamanca, 13 d'agostu de 1311Xibraltar, 26 de marzu de 1350), foi rei de Castiella y de Llión, bisnietu d'Alfonso X el Sabiu.

Muertu'l so padre, Fernando IV, en 1312, desenvolviéronse un ensame de disputes ente dellos aspirantes al tronu, resueltes en 1313 col alcuerdu de Palazuelos. La so güela Doña María de Molina, Doña Constanza y los infantes don Juan y don Pedro, formaron rexencia. Cuando morrió Doña Constanza y tres una campaña militar onde morrieron los infantes en Granada nel añu 1319, Doña María quedó como única rexente. Al morrer en 1321 los infantes don Felipe, don Xuan Manuel y don Xuan el Tuertu estremaron el reinu mientres yera escaláu polos moros y nobles lLevantiscos. Alfonso, una vegada mayor d'edá, asumió'l tronu, consiguiendo mientres el so reináu'l fortalecimientu del poder real, la igua de los problemes del estrechu de Xibraltar y la conquista d'Alxecires.

Vida[editar | editar la fonte]

Estatua d'Alfonso XI, n'Alxecires.

Fíu de Fernando IV l'Emplazáu y de Constanza de Portugal y nietu de doña María de Molina, qu'exerció la rexencia mientres la so minoría d'edá. Xubió Alfonso al tronu de Castiella y de Llión cuando tenía un añu d'edá. La mayoría d'edá algamóla con 15 años, en 1325.

Namás asumir el poder rexu empezó un trabayu llaboriosu en pro del refortalecimientu real estremando a los sos enemigos. Amosó asina, dende la tienra infancia les sos magnífiques dotes de gobernante, nun duldó n'executar posibles opositores (Xuan d'Haro el tuertu (1326), etc).

Mientres el so reináu consiguió llevar les llendes cristianes hasta l'Estrechu de Xibraltar tres la importante victoria na batalla del Salado en 1340 y la conquista del Reinu d'Alxecires en 1344. Una vegada resueltu dichu conflictu punxo tolos sos esfuerzos na Reconquista lluchando contra'l rei moru de Granada.

Don Alfonso de la Cerda, en 1331, rindió un homenaxe a Alfonso pa dexar atayaes les sos pretensiones a los tronos castellanu y lleonés. En 1332 supo apagar, cola ayuda de los sos súbditos, la revuelta que contra él fixeron don Xuan Manuel y Alfonso VI de Portugal. Dichos acontecimientos fixéron-y desdexar la Reconquista, perdiendo Xibraltar.

Tantu Alfonso, como Abul-Hasan mandaron un importante continxente navieru al estrechu, una y bones sabíen perfectamente la importancia de dicha xeografía nes sos pretensiones de conquista. Alfonso llogró l'ayuda d'aragoneses y el mulsulmán de los xenoveses. Tres la derrota de la escuadra castellana, al mandu d'Alonso Xofre Tenorio en 1340 llograron una serie de conquistes: primero na Batalla del Salado'l mesmu añu, la conquista d'Alcalá la Real, 1341, la batalla del ríu Palmonos y finalmente la toma d'Alxecires en 1344 tres un llargu sitiu.

Al empiezu de la Guerra de los Cien años, Alfonso alióse con Francia y consiguió roblar una tregua colos mulsumanes de Granada. En terminando dicha tregua, punxo sitiu a Xibraltar.

Moteyóse-y el Xusticieru pola enerxía que tuvo qu'exercer pa caltener controlada a la nobleza yá desque se fixo cargu del poder, nun importándo-y en munchos casos pa consiguir esi sometimientu recurrir al axusticiamiento de los nobles o inclusive a los asesinatos y emboscaes, como asocedió con don Xuan el Tuertu, na Ciudá de Toro. Tamién sábese qu'ente les sos aficiones taba la caza, teniendo como llugar habitual pa dir de caza'l pueblu de Valporquero en Llión, al par de les sos cueves.

A Alfonso XI atribúyese-y una cantiga d'amor dirixida a Leonor de Guzmán.

Muerte del Rei y sepultura[editar | editar la fonte]

Sepulcru d'Alfonso XI na Real Colexata de San Hipólito de Córdoba.

Morrió nel sitiu de Xibraltar víctima de la peste, siendo asina l'únicu monarca de toa Europa afeutada, en morrer víctima de la enfermedá. El so cadabre foi lleváu a Xerez de la Frontera u s'embalsamó. El so cuerpu foi más llueu lleváu a Sevilla y en 1371 treslladáu a la Capiella Real de la Catedral de Córdoba, onde permaneció demientres más de trescientos años, en compañía de so padre Fernando IV l'Emplazáu, tamién sepultáu ellí.

En 1736 foron treslladaos los restos de Fernando IV y Alfonso XI a la Real Colexata de San Hipólito de dicha ciudad, fundada por Alfonso XI en 1343 en conmemoración de la Batalla del Salado. Los restos mortales de dambos monarques posen en sarcófagos de mármole collorao, construyíos en 1846.


Descendencia[editar | editar la fonte]

Tres d'un primer matrimoniu nun consumáu, y dempués anuláu, con Constanza Manuel, fía del Infante don Xuan Manuel; casó en 1328 con so prima hermana María de Portugal (1313-1357) (1313-1357), fía d'Alfonso IV El Bravu, cola que tuvo dos fíos:

  • Fernando (1332), muertu enantes de cumplir un añu y;

Dende l'añu 1329 tuvo diez fíos con Leonor Núñez de Guzmán (1310-1351) (tataranieta d'Alfonso IX de Llión):


Predecesor:
Fernando IV
Kingdom of Castile Arms.svg
13121350
Socesor:
Pedro I