Airsoft

De Uiquipedia
Saltar a: navegación, buscar

L'airsoft ye un xuegu de guerra que surdió en Xapón nos años ochenta que s'estendió bien ceo a los Estaos Xuníos y anguaño espárdese per bien de países europeos.

Definición[editar | editar la fonte]

El nome d'airsoft vien de l'inglés, que vien a dicir "airse suave". Esto fai referencia a la manera na que se dispara la munición dende una réplica d'airsoft.

Xugadores d'airsoft

Esta autividá lúdico-deportiva busca la simulación de combates per aciu de répliques reales que disparen pequeñes boles de plásticu de 6mm de diámetru, escenarios de xuegu iguales o asemeyaos a los que se combate na realidá, con equipamientu de radiocomunicaciones, visores nocherniegos, llinternes adautaes, punteros láser, boles trazadores y ropa militar. Magar que nun heba una indumentaria concreta, cadún de los equipos quier más equipase uniformemente pa da-y un realismu mayor. Pue xugase mesmo pel día o pela nueche, coles evidentes diferencies. Les boles que s'empleguen, tienen una velocidá de salida aprosimada de 330 fps ó 100 m/s. El pocu pesu d'elles (0,20 gramos xeralmente) fai que'l so algame efeutivu nun vaiga más alló de los 40-50 metros. Hai una modalidá na qu'ún de los xugadores asume'l rol de francotirador y se-y da más potencia y alcance por mor del papel que desendolca.

Xugador d'airsoft

En concentraciones numberoses de xugadores, ye vezu identificar a los bandos con brazales ce color pa evitar el "fueu amigu".

Magar qu'heba bien de modalidaes de xuegu, lo principal ye eliminar a los equipos o xugadores contrarios, disparando a los sos componentes. Del mesmu xeitu que nel paintball, hai que llevar delles proteiciones como gafes pa nun recibir un bolaxu nos güeyos. Esti ye l'únicu riesgu na práutica del airsof. Si dalgún participante nun lleva les gafes puestes, interrúmpese la partida o ha dexala.

Anguaño hai n'España un vacíu llegal tocantes a la práutica d'esti xuego nos llugares públicos, ya que la confusión podría crease na población desconocedora del airsof y llevalos a alertar a les fuercies de seguridá. Recomiéndase prauticalu en tierres privaes o llugares autorizaos col correspondiente permisu del conceyu pa evitar problemes.

Una de les bases del xuegu ye l'enfotu na honradez del xugador, ya que nun hai manera de comprobar si daquién recibió un impautu. El xugador que recibe ha glayar "¡Muertu!" o dar a conocer a los demás que lu eliminaren, retirándose darréu del tarrén de xuegu. Los xugadores peor vistos nesta comundiá son los "inmortales2 por razones evidentes.

Los aficionaos al airsoft nun pretenden nin fomentar la violencia nin denguna triba d'ideoloxía. Pa ellos esti ye un xuegu peremocionante que val pa descargar adrenalina. Amás, les comunidaes d'airsoft tán a la escontra de que los individuos radicales participen nesti xuegu.

Enllaces esternos[editar | editar la fonte]

Plantía:Wikibooks