Agustín Dacosta García
Agustín Dacosta García | |||
|---|---|---|---|
1979 - 1999 | |||
| Vida | |||
| Nacimientu | 1931 | ||
| Nacionalidá |
 España | ||
| Muerte | A Caridá[1], 8 d'abril de 2023[1] (91/92 años) | ||
| Oficiu | políticu | ||
 | |||
Agustín Dacosta García (1931 – 8 d'abril de 2023, A Caridá) foi un políticu asturianu. Foi'l primer alcalde del conceyu d'El Franco depués de la recuperación de la democracia n'España en 1979, cargu qu'ocupó 20 años hasta les eleiciones de 1999.
Carrera política[editar | editar la fonte]
Foi'l primer alcalde del conceyu en 1979, encabezando la llista de la antigua Unión de Centru Democráticu. Cuatro años depués, nes siguientes eleiciones, presentóse con Alianza Popular, partíu col que volvió a ganar. Pa les siguientes eleiciones (1987 y 1991) presentóse como candidatu independiente y volvió a ganales. Pa 1995 foi nes llistes del Partíu Popular, pero n'aquella llexislatura foi cuando'l partíu n'Asturies se dixebró pola engarradiella ente'l presidente Sergio Marqués y el vicepresidente del gobiernu d'España Francisco Álvarez Cascos. Dacosta nun ocultó el ciñu con Sergio Marqués y foi de los primeros en pasar al partíu creáu de recién Unión Renovadora Asturiana (URAS). Presentóse con esti partíu a les eleiciones de 1999 y volvió a ganar, anque nun pudo gobernar porque PSOE y PP algamaron un alcuerdu pa que gobernara la socialista Cecilia Pérez. En pasando esto, Agustín retiróse de la política.[2]
Referencies[editar | editar la fonte]
- ↑ 1,0 1,1 «Fallece Agustín Dacosta, histórico alcalde de El Franco» (castellanu). El Comercio. Consultáu'l 10 abril 2023.
- ↑ «Fallece Agustín Dacosta, histórico alcalde de El Franco».
Enllaces esternos[editar | editar la fonte]
| Control d'autoridaes |
|
|---|
Datos: Q117481506