Adobáu

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Pa otros usos d'esti términu, ver Adobu (dixebra). Disambig.svg

Carne n'adobu

L'adobáu o adobu ye un mestu gastronómicu de delles sustancies, que se-y da a la carne, al pexe, p'ameyorar el tastu, pa caltenelo. Dalgunes d'estes sustancies puen ser el pimentón, l'oriéganu, el sal, l'ayu y vinagre) entemecíos según el llugar o rexón. Una carne n'adobu o adobao ye la que se prepara con esti mestu.

Cabritu n'adobu n'Asturies[editar | editar la fonte]

Nel pueblu de Villoria, (Asturies) preparen esta mena de cabritu, abondo popular, magar qu'en tola xeografía d'Asturies podemos atopar munches recetes de carne adobao.

  • Tresnar l'adobu pal cabritu: faise un mayáu colos ayos, el perexil, la yerbabona y el sal.
  • Entemecer el mayáu col romeru y el tomillu tamién. Coyer el mayáu cola mano y esfronar nel cabritu. Déxase na nevera demientres 4 hores.
  • Nuna fonte pal fornu, echar un chorru d'aceite d'aceituna. Tayar la cebolla en xuliana y facer un estru con ella. Sazonalu. Allúgase'l cabritu sobro la cebolla col adobu esfronáu nel pelleyu. Riégase con Vinu (blancu, tintu) y daqué más d'aceite si fore aconseyable.
  • Métese nel fornu, yá calecíu, demientres 1/2 hora a potencia másima. Dempués d'esi tiempu, báxase la temperatura a 180º y riégase de contino col caldu del asáu.
  • Acompangar d'unes bones pataques asturianes en panadera y/o pimientos tamién asaos con ayos enteros.