Acuariu de Xixón
L'Acuariu de Xixón ta allugáu nel paséu de la Sablera de Poniente, nel cascu urbanu de Xixón, inauguróse poles autoridaes el 9 de xunu y abrió les sos puertes al públicu el 10 de xunu de 2006. Xestiónase pola empresa Coutant Aquariums.
Cunta con 2.000 m² d'esposición, na que s'alcuentren 60 acuarios d'augua dulce y salmoria, un auditoriu pa eventos, un aula educativa d'unos 100 m², y una estaya de recobramientu de mamíferos y reptiles marinos. Dientro los 60 tangaños esisten unes 250 especies d'animales ente pexes, invertebraos, mamíferos, reptiles anfibios y páxaros. Figuren 8 tiburones d'ente 1,5 y 2 metros de llargura llegaos direutamente de Florida. En total, el númberu d'exemplares llenda los 5000 individuos; sicasí, col pasu'l tiempu y la dafecha maduración de los sistemes espérense algamar los 7000-8000 exemplares.
[editar] Estayes d'esposición
L'equipamientu costa de doce estayes temátiques visitables:
- Rigos asturianos.
- Estaya cantábrica.
- Cuesta cantábrica.
- Atlánticu.
- Islles del Caribe.
- Cabu de Fornos.
- Pacíficu-Índicu.
- Mar Bermeyu.
- Madagascar.
- Cabu de Bona Esperancia.
- Atlánticu sobtropical.
- Puertu asturianu.
Con tou ello l'equipamientu xixonés sedrá, de tou'l mundu, el qu'acueya un mayor gráu de biodiversidá nuna instalación de los sos valumbos, de tamañu mediu.
La duración estimada de la visita ye d'una hora y cuarenta minutos.
