Abd ar-Rahman Arif

Abd ar-Rahman Arif
30. Primer Ministru d'Iraq
3. Presidente d'Iraq
Vida
Nacimientu	Bagdag, 1916
Nacionalidá	Iraq
Muerte	Amán, 24 d'agostu de 2007 (90/91 años)
Familia
Fíos/es	5
Hermanos/es	Abdul Salam Arif
Oficiu	políticu, militar
Serviciu militar
Cuerpu militar	Exércitu d'Iraq
Graduación	xeneral
Creencies
Relixón	Sunismu
Partíu políticu	Unión Árabe Socialista (es) ; Partido Baaz Árabe Socialista en Irak (es)

Abdul Rahman Arif o Abderramán Arif, (n'árabe: عبد الرحمن عارف `Abd al-Raḥmān `Ārif, 1916, Bagdag – 24 d'agostu de 2007, Amán) foi un políticu iraquín, presidente d'Iraq dende'l 16 d'abril de 1966 hasta'l 16 de xunetu de 1968. Tamién ocupó'l cargu de primer ministru d'Iraq dende'l 10 de mayu de 1967 al 10 de xunetu del mesmu añu.

Biografía[editar | editar la fonte]

Militar de carrera, Rahman Arif foi un sinceru adherente al socialismu árabe y participó na revolución de 1958 que derrocó a la monarquía d'Iraq. Anque ensin ocupar puestos políticos relevantes, partició nel posterior golpe d'estáu de febreru de 1963 qu'espulsó del poder al xeneral Abdul Karim Qasim y convirtió en gobernante d'Iraq al so propiu hermanu, el destacáu líder militar Abdul Salam Arif.

Rahman Arif nun aprovechó l'ascensu políticu del so hermanu pa llograr poder, pero tuvo d'aceptar el cargu de presidente d'Iraq cuando Abdul Salam Arif morrió de secute nun accidente d'helicópteru n'abril de 1966 ensin designar socesor, siendo sofitáu polos xefes máximos del exércitu que lu consideraben de calter débil y manipulable.

Mientres la so xestión, Rahman Arif nun se destacar por executar grandes iniciatives polítiques, y caltuvo al Partíu Baath como principal actor políticu d'Iraq y partíu gubernamental de facto, calteniendo la influyencia del poderosu xefe máximu del Baath, el xeneral Ahmed Hassan al-Bakr. Sicasí, caltuvo idees más nacionalistes y panárabes que'l so hermanu y en virtú d'ello en 1967 sofitó a Exiptu y Xordania mientres la Guerra de los Seis Díes contra Israel.

Ente los líderes políticos iraquinos Rahman Arif yera percibíu como de calter indecisu y fácilmente influyenciable pol Partíu Baath, anque destacó como home incorruptible y que nunca aprovechó'l so altu cargu p'arriquecese. El 16 de xunetu de 1968 Rahman Arif foi derrocáu por un golpe d'estáu ensin resistencia, lideráu pol Partíu Baath en collaboración con influyentes oficiales del exércitu. Rahman Arif foi depuestu cuasi ensin llucha y foi exiliáu darréu a Turquía.

Rahman Arif volvió a Iraq recién en 1979, cuando gobernaba Sadam Husein. Tres el derrocamientu d'ésti, Arif emigró a Xordania el 2004, estableciéndose n'Amman y morriendo ellí nel añu 2007.

Referencies[editar | editar la fonte]

↑ Afirmao en: Enciclopedia Nacional Sueca. Identificador Nationalencyklopedin: abd-ar-rahman-arif. Apaez como: Abd ar-Rahman Arif. Data de consulta: 9 ochobre 2017. Llingua de la obra o nome: suecu.
↑ URL de la referencia: http://www.metimes.com/storyview.php?StoryID=20070824-114800-5549r. Direición web d'archivu: https://web.archive.org/web/20070926231306/http://www.metimes.com/storyview.php?StoryID=20070824-114800-5549r.

Enllaces esternos[editar | editar la fonte]

Noticia del so fallecimientu y biografía en nytimes.com
Munzinger-Archiv: Abdel Rahman Aref Internationales Biographisches Archiv 37/1969 n'alemán

Predecesor:
Abdul Salam Arif

Presidente d'Iraq
16 d'abril de 1966 - 16 de xunetu de 1968

Socesor:
Ahmed Hassan al-Bakr

[b0b329f13d52a274ba8efdd5c401e62f680d6a34-1] Afirmao en: Enciclopedia Nacional Sueca. Identificador Nationalencyklopedin: abd-ar-rahman-arif. Apaez como: Abd ar-Rahman Arif. Data de consulta: 9 ochobre 2017. Llingua de la obra o nome: suecu.

[777b3e949e1d645ca1b3f6654d5bc7c062aa4111-2] URL de la referencia: http://www.metimes.com/storyview.php?StoryID=20070824-114800-5549r. Direición web d'archivu: https://web.archive.org/web/20070926231306/http://www.metimes.com/storyview.php?StoryID=20070824-114800-5549r.

[1]

[2]