Abalcisqueta

De Uiquipedia
Saltar a: navegación, buscar
Abaltzisketa
Bandera d'Abaltzisketa Escudu d'Abaltzisketa
(En detalle) (En detalle)
Mapa:
Gipuzkoa municipalities Abaltzisketa.JPG
Guipúzcoa
Nome en
Vascu
Castellanu

Abaltzisketa
Abalcisqueta
Provincia Bandera de Guipúzcoa Guipúzcoa
Comunidá autónoma Bandera del País Vascu. País Vascu
Estáu Flag of Spain.svg España
Coordenaes 43° 2' N 2° 6' O
Población
 -Habitantes
 -Densidá
(2007)
304 habitantes
27,14 hab/km2
Superficie
 -Total
 
11,18 km2
Códigu postal 20269
Alcalde Keoa Gorostiai Garmendia (Herritarrak (indep.))
Partíu políticu Independiente


Abalcisqueta, (n'eusquera y oficialmente, Abaltzisketa y en castellanu Abalcisqueta), ye un pequeñu conceyu de la provincia de de Guipúzcoa nel País Vasco. Tien una estensión de 11,18 km² y una población de 304 habitantes (2007). Asítiase na parte sudoriental de Guipúzcoa, dientro de la comarca de Tolosaldea, nes estribaciones de la Sierra d'Aralar a los pies del monte "Txindoki" (1318m), qu'amás marca'l puntu más eleváu de la so llende conceyil.

El pueblu d'Abalcisqueta alcuentrase nun colláu a 370 metros d'altitú que domina'l valle d'Amézqueta y tamién asoma al del ríu Oria. Separtenlu 39 km de la capital provincial, San Sebastián y 14 km de la capital comarcal, Tolosa. Accedese a esti pueblu al traviés d'una carretera llocal que dende Allegría d'Oria, altraviesa Orendain; bien dende Amézqueta o dende Zaldibia.

La parte meridional del términu conceyil ta incluida dientro del Parque Natural d'Aralar.


Economía y sociedá[editar | editar la fonte]

Tratándose d'una llocalidá rural, Abalcisqueta tien dío despoblandose a lo llargo del sieglu XX, dende los 550 habitantes de 1900 hasta los 280 d'anguaño, anque nos últimos años apreciase un repunte de la so población. En metanes del sieglu XIX tuvo más de 800 habitantes.

Trátase d'un conceyu fonderamente rural. Esisten 65 esplotaciones agrícoles y ganaderes censaes nel conceyu.

Nes eleiciones autonómiques caberes cellebrades n'abril de 2005 la llista más votada foi la coalición nacionalista PNV-EA col 57,9% de los votos, siguida del PCTV qu'obtuvo'l 32,9% de los sufraxos.

Nes pasaes eleiciones conceyiles, dos partíos echaron llista nel conceyu, una independiente, y el Partíu Popular. La candidatura independiente foi la clara vencedora, al algamar 7 conceyalíes gracias a los 126 votos que tuvo, frente al Partíu Popular que nun llogró collechar nin un solu votu en tola llocalidá, poro, quedóse ensin representación dala nel ayuntamientu.

La llingua d'emplegu común nel conceyu ye l'eusquera, que domina cásique tola población.

Los vecinos d'Abalcisqueta reciben el nore de abalcisquetarres (abaltzisketarrak).

Historia[editar | editar la fonte]

En 1379, los vecinos d'Abalcisquera pasen a depender de la villa de Tolosa, como forma de sustraese de la influyencia de los señores banderizos y beneficiase de los fueros de la villa. En 1615, en pasando'l tiempu de les guerres banderices, Abalcisqueta obtien el títulu de villa, recuperando l'autonomía perdida pola so xuntura a Tolosa. Abalcisqueta participará posteriormente en varies xuniones de villes, pa pagar representantes nes Xuntas Xenerales de Guipúzcoa, como ye'l casu de la Unión de Bozue Mayor.

En 1983 el conceyu camudó oficialmente'l so nome castellanizáu d'Abalcisqueta por Abaltzisketa.

Fiestes y tradiciones[editar | editar la fonte]

  • En Pentecostés cellébrase una romería a la Ermita de Larraitz.
  • El 15 de mayu festéxase'l día de San Isidro con un hamaiketako (xinta popular).
  • El 24 de xunu cellébrense les fiestes patronales por San Xuan Bautista. La víespera baillase na Plaza la popular Soka-Dantza.
  • El 29 de xunu, día de San Pedro, cellébrense fiestes en Larraitz.
  • El 1 de payares, misa popular en la Ermita de Santa Cruz o de Txutxurrumendi.

Abalcisqueta asitiase nuna fastera na que les "alubias" (fabes) son un platu pertípicu y arraigáu, siendo tradicional dir a tastiales a dalgún de los restaurantes del Barriu de Larraitz.


Personaxes rescamplaos[editar | editar la fonte]

  • Miguel Irazusta (1925-), conocíu como Polipaso. Foi un conocíu aizkolari.
  • José María Ibarbia Garmendia (1928-). Sacerdote, muerganista y direutor de coros.

Enllaces esternos[editar | editar la fonte]



 
Conceyos de Guipúzcoa

Abalcisqueta |Aduna | Aia | Aizarnazabal | Albiztur | Alegia | Alkiza | Altzaga | Altzo | Amezketa | Andoain | Anoeta | Antzuola | Arama | Aretxabaleta | Arrasate | Asteasu | Astigarraga | Ataun | Azkoitia | Azpeitia | Baliarrain | Beasain | Beizama | Belauntza | Berastegi | Bergara | Berrobi | Bidegoian | Deba | Donostia | Eibar | Elduain | Elgeta | Elgoibar | Errenteria | Errezil | Eskoriatza | Ezkio-Itsaso | Gabiria | Gaintza | Gaztelu | Getaria | Hernani | Hernialde | Hondarribia | Ibarra | Idiazabal | Ikaztegieta | Irun | Irura | Itsasondo | Larraul | Lasarte-Oria | Lazkao | Leaburu-Txarama | Legazpi | Legorreta | Leintz-Gatzaga | Lezo | Lizartza | Mendaro | Mutiloa | Mutriku | Oiartzun | Olaberria | Oñati | Ordizia | Orendain | Orexa | Orio | Ormaiztegi | Pasaia | Segura | Soraluze | Tolosa | Urnieta | Urretxu | Usurbil | Villabona | Zaldibia | Zarautz | Zegama | Zerain | Zestoa | Zizurkil | Zumaia | Zumarraga