Zumaia

De Uiquipedia
Saltar a: navegación, buscar
Zumaia
Bandera de Zumaia Escudu de Zumaia
(En detalle) (En detalle)
Mapa:
Gipuzkoa municipalities Zumaia.JPG
Guipúzcoa
Nome en
Vascu
Castellanu

Zumaia (Oficial)
Zumaya
Provincia Bandera de Guipúzcoa Guipúzcoa
Comunidá autónoma Bandera del País Vascu. País Vascu
Estáu Flag of Spain.svg España
Coordenaes 43° 18' N 2° 15' O
Población
 -Habitantes
 -Densidá
(2007)
8.976 habitantes
795,74 hab/km2
Superficie
 -Total
 
11,28 km2
Mayor altitú San Miguel de Atardi, ¿? m
Códigu postal 20750
Alcalde Iñaki Agirrezabalaga Alkorta
Partíu políticu Eusko Alkartasuna
http://www.zumaia.net/


Zumaia ye un conceyu y villa de la provincia vasca de Guipúzcoa (España).

Xeografía[editar | editar la fonte]

Allúgase na bocana los ríos Urola y Narrondo. Llenda al norte col Mar Cantábricu, al esti col conceyu de Getaria, al oeste con Deba y les llocalidaes d'Itziar y Elorriaga, y al sur colos barrios d'Arroa ya Ibañarrieta, nel conceyu de Zestoa.

El nucleu urbanu de Zumaia abellugose nel so orixe na manzorga de la ría del Urola, ente delles colines que separten la población del Mar Cantábricu. Anguañu, la población espardiose per dambos llaos del estuariu, algamando tamién la vega del ríu Narrondo.

Historia[editar | editar la fonte]

Anque, como cuasi toles poblaciones europees, l'orixe exautu de la villa de Zumaia ye bastante imprecisu, too apunta a que la población medró de magar del monasteriu de Santa María. Nun cartafueyu de 1292 el rei de Castiella Sancho IV fai referencia per vez primera d'un llugar nomáu Zumaya.

Anque esti monasteriu nun sabe onde taba asentáu paez que si tenía venceya colo que güei conocemos por Zumaia. L'orixe de la villa xurde cuando los habitantes esparcíos pol valle de Sehatz, fartos de sufrir saqueos, abandonen les sos cases y entamen una villa muriada que-yos valiere pa defendese. De toes menes Zumaia nun ta reconocida como villa fasta 1347, Alfonso XI apreba la Carta Puebla de Villa de Villagrana de Zumaya, a la que se-y permitió acoyese al fueru de San Sebastián.

Nel sieglu XVI, tenía menos d'un cientu cases dientru la zona muriada y tres barrios nes proximidáes. Angüañu nun queden restos de la muria que nun diba de siguío porque había zones cubiertes por cases solariegues y torres que valíen igual que la muria pa protexer la villa. Los puertes de la villa destruyéronse na metá del sieglu XVIII.

Pa fines del sieglu XVI empiecen a vese les primeres industries na ría, y la población entama a vivir de la pesca y la navegación, ensin dexar de llau l'agricultura. Establecieronse llinies de comerciu con Holanda, mercábase con materies primeres de Zumaia y productos manufacturaos holandeses.

Los sieglos XVII y XVIII la situación económica del pueblu fue delicada, siendo la so base'l cultivu de maíz, fabes de mayu y trigu. Ye por eso que l'actividá marítima va medrando adulces y d'esta mena en 1610 fúndase la Cofradía de Mareantes de San Telmo.

La villa entamó a prosperar yá bien entráu'l sieglu XVIII cuando secaron les marismes pa aprobechales pal cultivu, pero la economía nun medraría de verdá fasta'l sieglu XIX cola llegada de les primeres cementeres, con elles lleguen meyores comunicaciones terrestres al construyise la carretera de Getaria nos primeros años 1880, quedando ansí comunicada direutamente con San Sebastián. Lleguen los ferrocarriles Deba-Zarautz (1900) y del Urola, que xunía Zumaia con Zumarraga y inaugurólu'l rei Alfonso XIII el 22 de febreru de 1926.

Cola entrada del sieglu XX la industria cementera escái en favor de la naval, como anéudota'l primer motor diesel montáu n'España fízose nos talleres de los hermanos Yeregui en Zumaia. Tamién medró enforma la industria'l metal, que sufrió crisis y reconversiones a fines del sieglu XX. De la mesma forma que'l seutor turísticu, anque con un pequeñu despegue nos caberos años, nun ye lo que foi nos entamos del sieglu pasáu.

Toponímia[editar | editar la fonte]

La teoría que paez más válida diz que'l orixe del términu Zumaia bien de la pallabra vasca zuma o zume que significa blima o blimal, planta abundante nes riberes de la zona, l'equivalente tomonímicu asturianu de Zumaia sería Blimea.

Demografía[editar | editar la fonte]

Evolucíon demográfica[editar | editar la fonte]

Evolución demográfica


(En 1842 y 1857 incluise los habitantes d'Aizarnazabal enantes de la independencia d'esti conceyu de Zumaia.)

Economía[editar | editar la fonte]

La industria y los servicios son güei el motor económico de la llocalidá, u s'atopen delles medianes empreses del metal y tresformaciones mecániques, asina como del naval (Astilleros Balenciaga, Motores Guascor). Pesi a que fuera ún de los destinos cimeros de la costa vasca nes primeres décades del sieglu XX, el sector turísticu esaniciose dafechu na decada de 1980. Sólo nos últimos años, y asociáu a un esporpolle urbanísticu importante (xunío a l'apertura d'un puertu deportivu na su bahía), asitiáronse na localidá dalgunes instalaciones hoteleres.

Tresportes[editar | editar la fonte]

Zumaia cuenta con servicios diarios por carretera cola capital guipuzcoana (San Sebastián) y les llocalidaes de Zarautz, Azpeitia, Azkoitia o Zumárraga, ente otres. Na so estación de ferrocarril opera anguañu la compañía Eusko Trenbideak, d'anchu métricu, con servicios ente Bilbao y San Sebastián.

Los aeropuertos más cercanos son el de Hondarribia (San Sebastián), a unos 50 quilómetros, Biarritz (País Vascu francés), a 70, y Sondika (Bilbao), a 90 quilómetros aproximadamente.

Personaxes ilustres[editar | editar la fonte]


Otres personalidaes vinculaes a Zumaia[editar | editar la fonte]

Enllaces esternos[editar | editar la fonte]

Galería de semeyes[editar | editar la fonte]

Zumaia
Wikimedia Commons tien archivos rellacionaos con:


 
Conceyos de Guipúzcoa

Abalcisqueta |Aduna | Aia | Aizarnazabal | Albiztur | Alegia | Alkiza | Altzaga | Altzo | Amezketa | Andoain | Anoeta | Antzuola | Arama | Aretxabaleta | Arrasate | Asteasu | Astigarraga | Ataun | Azkoitia | Azpeitia | Baliarrain | Beasain | Beizama | Belauntza | Berastegi | Bergara | Berrobi | Bidegoian | Deba | Donostia | Eibar | Elduain | Elgeta | Elgoibar | Errenteria | Errezil | Eskoriatza | Ezkio-Itsaso | Gabiria | Gaintza | Gaztelu | Getaria | Hernani | Hernialde | Hondarribia | Ibarra | Idiazabal | Ikaztegieta | Irun | Irura | Itsasondo | Larraul | Lasarte-Oria | Lazkao | Leaburu-Txarama | Legazpi | Legorreta | Leintz-Gatzaga | Lezo | Lizartza | Mendaro | Mutiloa | Mutriku | Oiartzun | Olaberria | Oñati | Ordizia | Orendain | Orexa | Orio | Ormaiztegi | Pasaia | Segura | Soraluze | Tolosa | Urnieta | Urretxu | Usurbil | Villabona | Zaldibia | Zarautz | Zegama | Zerain | Zestoa | Zizurkil | Zumaia | Zumarraga