2161 Grissom

De Uiquipedia
Saltar a: navegación, buscar

2161 Grissom ye l'asteroide númberu 2161 de la serie (1963 UD), descubiertu'l 17 d'ochobre de 1963 nel Goethe Link Observatory en Brooklyn, Indiana.

Nomáu en memoria de Virgil Ivan Grissom (1926-1967), que xunto a Edward H. White II y Roger B. Chaffee morrieron el 27 de xineru de 1967, al incendiase la cápsula Apolu I, asitiada na rampla de llanzamientu, onde s'alcontraben pa prauticar la cuenta atrás de la so futura misión programada pal 21 de febreru. Grissom pilotara la cápsula Mercury Redstone 4, que foi'l caberu vuelu suborbital tripuláu. Asina mesmo nauguró los vuelos tripulaos del programa Gemini, el 23 de marzu de 1965 nel Gemini 3 xunto con Young. White yera un personax históricu al ser el primer norteamericanu en realizar un “paséu espacial” de 21 minutos nel vuelu del Gemini 4, el 4 de xunu de 1965. Pola so parte Chaffee yera un esperimentáu pilotu de pruebes d'aviones a reaición y pilotu del avión espía norteamericanu que descubrió les instalaciones pa silos atómicos en Cuba que desencadenó la famosa “crisis de los misiles”. L'Apolu I, sedría'l primer vuelu espacial de Chaffee.

Propunxeron el nome D. Owings y Frank K. Edmondson, y preparó la citación Muriel M. Torpe, de la NASA.

Ver tamién[editar | editar la fonte]