Élisée Reclus

De Uiquipedia
Saltar a: navegación, buscar
Élisée Reclus, por Nadar

Jacques Élisée Reclus (Sainte-Foy-la-Grande, Gironde, 15 de marzu de 1830 - Torhout, Bélxica, 4 de xunetu de 1905), foi un xeógrafu, militante y pensador anarquista francés.

So padre Jacques Reclus, nacíu en 1796, yera pastor calvinista (primeramente remuneráu pol Estáu, y depués independiente) y foi tamién dellos años profesor nel colexu protestante de Sainte-Foy-la-Grande. El pastor tuvo, cola so muyer Zéline Trigant (nacida en 1805), diecisiete fíos (de los que tres nun sobreviviríen al nacimientu). Ente los hermanos d'Élisée : Élie Reclus mui vinculáu a Élisée, Onésime Reclus (1837-1916), Armand Reclus (1843-1927) y Paul Reclus (1847-1914).

L'ideal anarquista ye lo que meyor define a Reclus en primer llugar. Redactará una buena riestra d'artículos, pronunciará numberoses conferencies sobre'l tema y participa en congresos d'organizaciones obreres (especialmente l'AIT, Lliga de la Paz y de la Llibertá) nes que s'atopa con otros revolucionarios llibertarios (Bakunin, Kropotkin, Dumartheray, Jean Grave, James Guillaume, Max Nettlau). Desarrolla les sos idees en varios cartafueyos (le développement de la liberté dans le monde, Évolution et révolution, La peine de mort). Anguaño los movimientos anarquistes y llibertarios tovía se reclamen herederos d'él.