Zeta Hydrae

De Wikipedia
Saltar a navegación Saltar a la gueta
Zeta Hydrae
Zeta Hydrae
Constelación Hidra
Ascensión reuta α 08h 55min 23,6s
Declinación δ +05º 56’ 44’’
Distancia 151 años lluz
Magnitú visual +3,11
Magnitú absoluta -0,21
Lluminosidá 138 soles
Temperatura 4820 K
Masa 3 soles
Radiu 16 - 16,9 soles
Tipu espectral G9 II-III
Velocidá radial +22,8 km/s

Zeta Hydrae (ζ Hya / 16 Hydrae / HD 76294) ye una estrella na constelación d'Hidra de magnitú aparente +3,11. Xuntu a ν Hydrae, d'igual magnitú, ocupa'l tercer llugar por rellumu dientro de la so constelación, siendo superada por Alfard (α Hydrae) y γ Hydrae. Dacuando recibe'l nome de Hydrobius, que'l so significáu en griegu ye «habitante de l'agua». Alcuéntrase a 151 años lluz de distancia del Sistema Solar.

Zeta Hydrae ye una xigante lluminosa mariella de tipu espectral G9 II-III con una temperatura efectivo de 4820 K. Relluma con una lluminosidá 138 vegaes mayor que la del Sol y el so radiu ye 16 vegaes más grande qu'el radiu solar. Ye una estrella de lenta rotación, completando una vuelta en menos de 265 díes.

Temperatura y radiu dexen envalorar la masa de Zeta Hydrae, siendo ésta tres veces mayor que la del Sol. Ye una xigante clásica en que'l so interior tien llugar la fusión nuclear de heliu en carbonu y oxíxenu. La so edá envalórase en 397 millones d'años, cuando empezó la so andadura na secuencia principal como una estrella de tipu B. Dientro d'aprosimao 36 millones d'años, el so heliu va escosase, polo que Zeta Hydrae va empezar a espandise y faese más brillosu, evolucionando escontra una variable Mira; una vegada espulsaes les sos capes esteriores na fase de nebulosa planetaria, va rematar la so vida como una nana blanca.

Referencies[editar | editar la fonte]