Gamma Hydrae

De Wikipedia
Saltar a navegación Saltar a la gueta
Gamma Hydrae
Gamma Hydrae
Constelación Hidra
Ascensión reuta α 13h 18min 55,25s
Declinación δ -23º 10’ 17,1’’
Distancia 132 años lluz
Magnitú visual +2,99
Magnitú absoluta -0,08
Lluminosidá 105 soles
Temperatura 5110 K
Masa 2,7 - 2,9 soles
Radiu 13 soles
Tipu espectral G8III
Velocidá radial -5,4 km/s
Otros nomes HD 115659 / HR 5455
HIP 71469 / SAO 158677

Gamma Hydrae (γ Hya / 46 Hydrae)[1][2] ye la segunda estrella más brillosa de la constelación d'Hidra con magnitú aparente +2,96, detrás de Alfard (α Hydrae). Dacuando se la llapada Cauda Hydrae o Dhanab al Shuja, que'l so significáu ye «la cola de la hidra» o «la cola de la culiebra», pola so situación dientro de la constelación. Alcuéntrase a 132 años lluz de distancia del Sistema Solar.

Gamma Hydrae ye una xigante mariella de tipu espectral G8III (o G8IIIa) y 5110 K de temperatura efectivo,[3] el mesmu tipu espectral que la componente menos caliente de Capella (α Aurigae). Más lluminosa qu'ésta —la so lluminosidá ye 105 vegaes mayor que la del Sol—, tien un radiu ye 13 vegaes más grande qu'el radiu solar. Presenta un conteníu metálico casi igual al del Sol, siendo'l so índiz de metalicidá [Fe/H] = +0,03.[3] Tien una masa ente 2,7 y 2,9 mases solares,[4]la so edá envalórase en 370 millones d'años.[5]

A diferencia d'otres xigantes clásiques que funden heliu, Gamma Hydrae remató namái apocayá la fusión de hidróxenu. Anguaño con un nucleu inerte d'heliu, ta nun estáu de transición escontra una estrella más grande y lluminosa, conforme'l nucleu d'heliu contráise. Cuando empiece la fusión del heliu en carbonu y oxíxenu, Gamma Hydrae va ser seis veces más brillosa que na actualidá y casi cinco veces más grande. Darréu'l so tamañu va menguar a proporciones más normales como les de Pólux (β Geminorum) y Aldebarán (α Tauri).[4]

Gamma Hydrae ta catalogada como una posible estrella variable, recibiendo'l nome provisional de variable NSV 6180.

Referencies[editar | editar la fonte]