Wushu (términu)

De Wikipedia
Esti artículu trata dafechu sobre’l términu "Wushu". Pal deporte modernu d'exhibición, ver Wushu (deporte). Pa información sobre toles artes marciales de China, ver Artes marciales de China.
Wǔshù, en chinu simplificáu.

Wushu (chinu simplificáu: 武术; chinu tradicional: 武術; pinyin: wǔshù) significa lliteralmente "arte marcial". Ye un términu más afechiscu que kung fu, sicasí inda más usáu, que pue significar lo mesmo arte marcial qu'"habilidá": un artesanu tien que ser curiosu pa exercer el so oficiu, ye dicir posiar un bon "kung fu". D’esta miente dizse tamién qu'un prauticante de wushu tien bon "kung fu" na so práutica del wushu. Nel so sen más ampliu, la pallabra wushu pue ser la manera de los falantes de chinu pa nomar cualesquier arte marcial del mundu, anque na práutica refierse al deporte modernu denomináu "wushu", tamién conocíu como "wushu modernu" o "wushu contemporaneu"; o inclusive a los estremaos estilos d'Artes marciales de China.

Traducción[editar | editar la fonte]

La pallabra wushu fórmenla dos caráuteres chinos: 武 (wǔ), que significa marcial o militar, y 術 (shù), que se torna a arte, habilidá o métodu. Amestaos dan 武術 "wǔshù" o "arte marcial".

Referencies[editar | editar la fonte]

Enllaces esternos[editar | editar la fonte]