Wikipedia:Estáu de conservación

De Wikipedia
Saltar a: navegación, buscar

Estes categoríes del estáu de conservación úsense nos artículos Wikipedia.

No que cinca a especies en peligru o que s'estinguieren dempués del añu 1500, les categoríes tán feches según el patrón de la Llista Colorada de la IUCN (International Union for Conservation of Nature and Natural Resources-Unión Internacional pa la Conservación de la Naturaleza y los sos Recursos)del añu 1994. Les especies clasificáronse según los criterios del añu 1994 usando la Base Datos actualizada periódicamente. Lo que vien darréu ye namás un resume:

  • Daqué de Riesgu (LR): Evaluóse la so situación, pero a la fin nun se la calificón dientro'l grupu les especies Vulnerables, en Peligru o en Peligru Críticu. Hai tres subcategoríes, cd (Dependinte pa la so Conservación), ello ye, si paren les aiciones protectores esta especie pu vese en riesgu, nt (Peligru Cercanu), ello ye, especie a la que-y falta poco pa ser considerada Vulnerable pero que nun cumple tolos criterios, y lc (Otres Situaciones), ello ye, nengún de los anteriores criterios pue usase. Estes categoríes incluyen especies que nun puen considerase n'otres categoríes, pero nun por ello tán garantizaes. Son los casos de: LRcd: Picatueru de la Costa (Coast Redwood); LRnt: Bigcone Douglas-fir; LRlc: Lleopardu, Orca.
  • Vulnerable (VU): Tien un gran riesgu d'estinción nun tiempu mediu. Exemplos: Lemur de Rabu Anilláu, Gran Tiburón Blancu]].
  • En Pelligru (EN): Tien un gran riesgu d'estinción nun futuru cercanu. Exemplos: Ballena Blanca, Oveya Cornuda del Desiertu, Panda Xigante, Furón Pienegru (esti ta catalogáu como estintu n'estáu xabaz dende'l 20 de Setiembre de 2005).
  • Criticu (Términu Wikipedia) o En Peligru Críticu (Términu IUCN) (CR): Tien un gran riesgu estinción nun futuru inmediatu. Exemplos: Llobu cerval, Llobu Coloráu.
  • Estinguíu n'estáu xabaz (EW): cautivu Hai individuos en cautividá, y dalgunos exemplares reenxertárense al so hábitat, pero la especie, esceptuando estos casos, dase por estinguida como animal en llibertá, como dalguna vez fue. "Estirpáu" úsase pa especies qu'entá esisten en llibertá pero non nos hábitats nos que yeren habituales. Exemplos: Cuervu Hawaianu, Oryx Scimitar.
  • Estintu (EX): Dempués de fondos estudios hai la certeza de que nun esiste nengún exemplar vivu d'esta especie. El caberu especimen piénsase que morrió más tarde del añu 1500. Exemplos: Thylacinu, Dodo, Moa, Huia.
  • Ensin Datos Bastantes (DD): Un especimen inclúyise nesta categoría si nun hai información bastante como pa dar la seguranza d'un estáu de riesgu de la especie, y ello magar haya conocimientu de la so población o otros. Ello nun quier dicir que la especie nun tea en peligru. Ye más, munches veces la imposibilidá de saber datos ye claru síntoma. Exemplos: Raitán Escocés, Ciprés Yunnan.


Les siguientes categories adicionales son específiques de Wikipedia y valen pa les especies que nun tán incluyíes na Llista Colorada de la IUCN. Los criterios de la IUCN son autoridá y siempre tienen de ser aplicables si se pue.

  • Seguru (SE) o Domesticaos: Nun hai riesgu inmediatu pa la especie. Esta categoría aplícase a los humanos y a los animales domésticos, pa los que los criterios de la IUCN ye inútil. Exemplos: Humanu, Gatu, Perru, Llama.
  • Prehistóricu: Estáu intermediu ente Estintu y Fósil: Nesti separtáu van les especies esapaecíes enantes l'añu 1500, si, polo menos, ún exemplar d'esta especie ta n'estáu non fósil o semifósil (quier esto dicir qu'hai dalgún restu orgánicu d'él) ver subfósil). Esta categoría ye especialmente interesante pal usu na evolución humana y nel análisis molecular d'organismos que puen comparase con otros modernos. Exemplos: Mammuthus exilis, Lleón de Caverna, el Neanderthal. En xeneral, son especies estintes nel Cuaternariu.
  • Fósil: Nun tenemos restos más que n'estáu fósil. Exemplos: Tyrannosaurus rex, Australopithecus, Ammonites.

Téngase en cuenta que na lliteratura científica nun hai distinción, normalmente, ente fósil y subfósil. Xeneralmente, pueda facese una análisis molecular o una datación con carbonu 14, estos animales clasifíquense como "Prehistóricos". Los últimos descubrimientos de restos orgánicos en dellos (dinosauriu) podría alterar el so estatus de "Fósil". Como regla xeneral, los especímenes estinguíos nos últimos 50-30.000 años puen calificase de "Prehistóricos".

Enllaces esternos[editar | editar la fonte]