Tyto tenebricosa

De Wikipedia
Saltar a navegación Saltar a la gueta
Tyto tenebricosa
Commons-emblem-notice.svg
 

Infobox animalia.png

Curuxa tenebrosa
SOOTY OWL @ SCRUBBY CREEK 21APRIL15 (2).JPG
En Mitchell River, Victoria, Australia.
Estáu de caltenimientu
Preocupación menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Strigiformes
Familia: Tytonidae
Xéneru: Tyto
Especie: T. tenebricosa
Gould, 1845
Distribución
Greater Sooty Owl.png
Subespecies

T. tenebricosa arfaki

T. tenebricosa tenebricosa
[editar datos en Wikidata]

Tyto tenebricosa[2] ye una especie d'ave estrixiforme de la familia Tytonidae qu'habita en Nueva Guinea y el sureste d'Australia.

Descripción[editar | editar la fonte]

La curuxa tenebrosa mide una media de 45 cm de llargu. Les femes son de mayor tamañu, miden ente 44–51 cm y pesen ente 750 y 1200 g, ente que los machos miden ente 37–43 cm y pesen ente 500-700 g. El so plumaxe ye principalmente de color gris escuru, más escuru nes partes cimeres, con un finu motudu blancu tantu nes partes cimeres como nes inferiores, siendo les femes daqué más clares. El llargor de la so nala bazcuya ente los 30 y 40 cm y la so cola ye bien curtia. Presenta un discu facial gris en forma de corazón enmarcáu por una ancha llista corita con un cantu ablancazao y difuso nel so interior. Los sos güeyos son escuros. Les sos pates emplumaes tienen deos y tarsos llargos.

Distribución y hábitat[editar | editar la fonte]

La curuxa tenebrosa alcuéntrase nes selves tropicales de les rexones montascoses de Nueva Guinea y nes zones costeres del sureste d'Australia, amás de la islla Yapen. Tamién foi columbrada na islla Flinders del estrechu de Bass.

La curuxa tenebrosa ye una ave nocherniega y duerme nos buecos de los árboles, les cueves o ente la xamasca trupa pel día, polo que ye malo de ver o oyer. Habita en zones de ribayos fondos nos montes húmedos onde haya ocalitos, felechos y demás sotobosque de selva húmeda. Puede cazar en zones más seques pero xeneralmente cría y duerme nes más húmedes.

Taxonomía[editar | editar la fonte]

Foi descrita científicamente pol naturalista inglés John Gould en 1845. Reconócense dos subespecies:[3]

  • T. t. arfaki - presente en Nueva Guinea y Yapen;
  • T. t. tenebricosa - subespecie nominal d'Australia.

Enantes considerábase a la curuxa motuda (Tyto multipunctata), más pequeña y nativa del nordés d'Australia, una subespecie de la curuxa tenebrosa, pero anguaño considérense especies separaes.[3]

Comportamientu[editar | editar la fonte]

Les curuxes tenebroses son territoriales y sedentaries, y créese que permanecen na mesma área tola so vida d'adultu.

Alimentación[editar | editar la fonte]

Aliméntase principalmente de mamíferos, que pueden ser marsupiales arborícoles (como los petauros xigantes, les zarigüeyas de cola anillada y los petauros del azucre) o terrestres como los bandicuts y los antequinos, y royedores. Tamién atrapa dacuando aves, esperteyos ya inseutos.

Reproducción[editar | editar la fonte]

Añera nun buecu grande d'un árbol o una cueva. La fema duerme nel nial mientres delles selmana enantes de poner unu o dos güevos blancos mate. Xeneralmente la cría tien llugar ente los meses de xineru a xunu, pero puede dase en cualquier dómina del añu dependiendo de la localización y condiciones climátiques. La incubación dura 42 díes. El machu apurre comida a la fema, que raramente dexa'l nial. Los pitucos nacen cubiertos d'un plumón gris y tarden tres meses en completar el so desenvolvimientu hasta poder volar. En dexando'l nial los xuveniles siguen dependiendo de los sos padres un periodu llargu.

Referencies[editar | editar la fonte]

  1. BirdLife International (2013). «Tyto tenebricosa» (inglés). Llista Roxa d'especies amenazaes de la UICN 2013.2. Consultáu'l 12 d'agostu de 2014.
  2. Bernis, F; De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J (2000). «Nomes en castellán de les aves del mundu recomendaos pola Sociedá Española d'Ornitoloxía (Quinta parte: Strixiformes, Caprimulxiformes y Apodiformes)». Ardeola. Handbook of the Birds of the World (Madrid: SEO/BirdLife) 47 (1):  pp. 123-130. ISSN 0570-7358. http://www.seo.org/wp-content/uploads/tmp/docs/vol_47_1_quinto.pdf.  Consultáu'l 12 d'agostu de 2014.
  3. 3,0 3,1 GILL, F.; DONSKER, D. (Eds.) (2014). Owls. IOC World Bird List (v.4.2).

Enllaces esternos[editar | editar la fonte]