Troglodytes cobbi

Troglodytes cobbi;
Estáu de caltenimientu
	; Vulnerable (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Troglodytidae
Xéneru:	Troglodytes
Especie:	T. cobbi; (Chubb, 1909)
Distribución
Consultes
	[editar datos en Wikidata]

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu.

Troglodytes cobbi,^[2]^[3] ye una especie d'ave paseriforme de la familia Troglodytidae endémica de les Islles Malvines. Foi clasificáu enantes como subespecie deTroglodytes aedon pero agora ye comúnmente consideráu como una especie separtada, por cuenta de les diferencies nel plumaxe, cantar, ecoloxía y morfoloxía.

Descripción[editar | editar la fonte]

El plumaxe ye de color marrón, cola tiesta y el pechu buxu y más acoloratáu na cola. Tien barres escures nes plumes de vuelu y la cola. El picu ye llargu, coritu y llixeramente curváu.

Comportamientu[editar | editar la fonte]

Suelen habitar trupos pacionales de tussok (Poa flabellata) cerca de la mariña. De cutiu pueden atopase nes sableres a la gueta de pequeños invertebraos ente les algues y escombros, tales como inseutos y anfípodos.

Situación y caltenimientu[editar | editar la fonte]

Esta ave llíndase a pequeñes islles llibres d'aguarones, con una población de namái 4500 a 8000 pares. La especie ta considerada como especie vulnerable, yá que les sos poblaciones son pequeñes y estazaes, que podríen sumir si les sos islles foren colonizaes polos aguarones o gatos. El vezu d'alimentación y reproducción a nivel del suelu fai que seyan bien vulnerables a la depredación, a diferencia del Cistothorus platensis qu'habita más arriba y puede coesistir colos depredadores.

Referencies[editar | editar la fonte]

↑ BirdLife International (2012). «Troglodytes cobbi» (inglés). Llista Roxa d'especies amenazaes de la UICN 2012.1. Consultáu'l 16 d'ochobre de 2012.
↑ De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Décima parte: Orden Passeriformes, Familias Campephagidae a Turdidae)». Ardeola. Handbook of the Birds of the World (Madrid: SEO/BirdLife) 52 (2): páxs. 389-398. ISSN 0570-7358. https://www.seo.org/wp-content/uploads/tmp/docs/vol_52_2_decimo.pdf. Consultáu'l 16 d'ochobre de 2012.
↑ «Cerrica Malvinero (Troglodytes cobbi) Chubb, 1909». avibase. Consultáu'l 16 d'ochobre de 2012.

Bibliografía[editar | editar la fonte]

David Brewer (2009). «Cobb’s Wren Troglodytes cobbi foraging in penguin burrows». Cotinga 31: páxs. 88. http://www.neotropicalbirdclub.org/pages/journal.asp?IssueID=31&Article_Link=Brewer.
Alvaro Jaramillo, Peter Burke & David Beadle (2003) Field Guide to the Birds of Chile including the Antarctic Peninsula, the Falkland Islands and South Georgia, Christopher Helm, Londres
Robin W. Woods (1988) Guide to Birds of the Falkland Islands, Anthony Nelson, Oswestry

Enllaces esternos[editar | editar la fonte]

BirdLife Especies, Ficha téunica. (n'inglés)

[iucn-1] BirdLife International (2012). «Troglodytes cobbi» (inglés). Llista Roxa d'especies amenazaes de la UICN 2012.1. Consultáu'l 16 d'ochobre de 2012.

[2] De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Décima parte: Orden Passeriformes, Familias Campephagidae a Turdidae)». Ardeola. Handbook of the Birds of the World (Madrid: SEO/BirdLife) 52 (2): páxs. 389-398. ISSN 0570-7358. https://www.seo.org/wp-content/uploads/tmp/docs/vol_52_2_decimo.pdf. Consultáu'l 16 d'ochobre de 2012.

[3] «Cerrica Malvinero (Troglodytes cobbi) Chubb, 1909». avibase. Consultáu'l 16 d'ochobre de 2012.

[1]

[2]

[3]