Thisted

De Wikipedia
Saltar a navegación Saltar a la gueta
Thisted
Thisted kirke.JPG
Coat of arms of Thisted.svg
Alministración
PaísBandera de Dinamarca Reinu de Dinamarca
Estáu federáuBandera de Dinamarca Dinamarca
Rexón alministrativaJutlandia Septentrional
ConceyuThisted
Tipu entidá ciudá
Xeografía
Coordenaes 56°57′14″N 8°41′24″E / 56.954°N 8.69°E / 56.954; 8.69Coordenaes: 56°57′14″N 8°41′24″E / 56.954°N 8.69°E / 56.954; 8.69
Thisted is located in Dinamarca
Thisted
Thisted
Thisted (Dinamarca)
Altitú 4 Q11573
Demografía
Más información
Estaya horaria UTC+01:00 y UTC+02:00
Llocalidaes hermanaes Baja Traducir
Cambiar los datos en Wikidata

Thisted ye una ciudá y puertu de Dinamarca, xuntu al Limfjord. Ye la capital y el centru económico y cultural del conceyu homónimu y la mayor llocalidá de noroeste de Jutlandia. En 2013, viven en Thisted 13.067 habitantes.

Historia[editar | editar la fonte]

El nome de la ciudá apaez per primer vegada nuna fonte escrita como Tystath nel añu 1367. La hipótesis más aceptada ye que significa "llugar de Tyr".

Thisted foi mientres enforma tiempu una llocalidá dedicada a la pesca y les actividaes agrícoles. Ensin que se conoza la fecha esacta, nel sieglu XVI recibió privilexos de ciudá comercial (købstad), pero a pesar d'ello, nun esperimentó una crecedera significativa. Anque s'instalaron delles feries comerciales añales, el comerciu en Thisted tuvo problemes pa desenvolvese, en bona parte porque la ciudá de Aalborg controlaba tol comerciu nel Limfjord, yá que a ésti nesi tiempu namái podía entrase pol Kattegat, lo que perxudicaba seriamente a les llocalidaes riberanes. Nel sieglu XVIII la situación empioró cuando'l fiordu quedó cerráu por bancos de sable tantu en Løgstør como en Hals.

Thisted, qu'hasta entós yera un pequeñu pueblu con granxes esvalixaes, empezó a espolletar dende finales del sieglu XVIII. Les causes principales fueron la designación, en 1793, como capital de la provincia de Thisted, y l'apertura del fiordu al Mar del Norte en 1825, lo qu'impulsó'l saléu na rexón. En 1840 inauguróse'l puertu y estableciéronse pequeñes industries. L'actividá industrial aumentó cola apertura de la canal de Løgstør en 1861 —que dexó nuevamente la comunicación col Kattegat—, y cola llinia ferroviaria que conectó Thisted con Struer en 1882. A finales del sieglu XIX, la industria y les artesaníes controlaben la economía de la ciudá, qu'amás tenía un comerciu importante con Noruega y el Reinu Xuníu.

Nel sieglu XX establecieron industries de testiles, maquinaria y productos cárnicos. En 1970, por cuenta de una reforma territorial en Dinamarca, sumió la provincia de Thisted. A partir d'esa dómina, la industria reculó en favor del sector servicio, pero entá na actualidá sigue siendo una actividá destacada na ciudá. En 2007 entró en vixencia una nueva reforma territorial que-y devolvió a Thisted la so importancia alministrativa al designala capital d'un nuevu y ampliu conceyu.

Tresporte[editar | editar la fonte]

Tren[editar | editar la fonte]

La llocalidá de Thisted ye sirvíu pola estación de Thisted. Atópase na llinia Thy de ferrocarril y ufierta servicios direutos de InterCity a Copenhague y los servicios de trenes rexonal a Struer.

Ciudaes hermanaes[editar | editar la fonte]

Les siguientes llocalidaes nórdiques tán Hermanamiento de ciudaes hermanaes con Thisted:[1]

Referencies[editar | editar la fonte]

  1. KL (Kommunernes Landsforening). «Thisted Kommune» (danés). Consultáu'l 28 de mayu de 2013.



Thisted