Tay Zonday

Tay Zonday
Vida
Nacimientu	Minneapolis, 21 de mayu de 1982 (41 años)
Nacionalidá	Estaos Xuníos
Llingua materna	inglés
Estudios
Estudios	Universidá de Minnesota North Royalton High School (en) Evergreen State College (en) Seattle Central College (en)
Llingües falaes	inglés
Oficiu	cantautor, músicu, cantante, youtuber, actor, actor de voz
Seudónimos	Tay Zonday
Xéneru artísticu	Rhythm and blues
Mena de voz	bajo (es)
Instrumentu musical	tecláu voz
IMDb	nm2747938
tayzonday.com

Adam Nyerere Bahner (21 de mayu de 1982, Minneapolis), más conocíu pol alcuñu Tay Zonday, ye un cantante, compositor y teclista estauxunidense.

El so cantar "Chocolate Rain" apurrió-y un bultable éxitu gracies al videu homónimu espublizáu en abril de 2007 nel portal YouTube.

Biografía

Zonday, d'ascendencia europea y africana, ta llicenciáu en Estudios Americanos pola Universidá de Minnesota, de la ciudá de Minneapolis na que reside. Tamién estudió na Academia de Matemátiques y Ciencies d'Illinois ente 1997 y 1998, estudios que nun acabó, sicasí algamó una diplomatura nel The Evergreen State College.

En cuantes a la so formación musical, el propio Zonday tien dicho en delles entrevistes que ye un 'güerfanu musical', ensin influencies nin preferencies musicales concretes. Nesi sen, l'artista tien señalao que la so formación musical ye cásique dafechu autodidacta, y que les sos composiciones tienen l'envís de la orixinalidá como mayor enfotu.

Obra

Tres de la repercusión algamada pol repetitivu cantar "Chocolate Rain" en los países de fala inglesa, Zonday tien asoleyaos dellos cantares, la mayoría embaxo llicencies Creative Commons o adautaciones de pieces de dominiu públicu. Amás d'ello, tien fechos dellos trabayos publicitarios qu'aprovechen el so éxitu, ente los que rescampla la versión "Cherry Chocolate Rain" pa una firma de refrescos.

La llista de los sos cantares, n'orde cronolóxicu, ye:

• "Demons on the Dance Floor"
• "Love" (con Kooby)
• "Never Gonna Give You Up" (versión del cantar de Rick Astley)
• "Chocolate Rain"
• "Internet Dream"
• "The Only Way"
• "Do the Can't Dance"
• "Say No to Nightmares"
• "Someday"
• "Too Big for You"
• "Get It Back" (Thug Remix)
• "Cherry Chocolate Rain"
• "Chasing Eden"
• "Crash into Weird"
• "Start Me Up" (version karaoke del cantar de los Rolling Stones)
• "Remembering You"
• "Explode"
• "Brighter Days"

Enllaces esternos

• Web oficial
• Canal de Tay Zonday en YouTube

• Datos: Q55449
• Multimedia: Tay Zonday