Tau Orionis

De Wikipedia
Saltar a navegación Saltar a la gueta
Tau Orionis
Tau Orionis
Constelación Orión
Ascensión reuta α 05h 17m 36,39s
Declinación δ -06º 50’ 39,9’’
Distancia 554 años lluz
Magnitú visual +3,59
Magnitú absoluta -2,56
Lluminosidá 3100 soles (bolométrica)
Temperatura 14.100 K
Masa 6 soles
Radiu 9,4 soles
Tipu espectral B5III
Velocidá radial +20,1 km/s

Tau Orionis (τ Ori / 20 Orionis / HD 34503 / HR 1735)[1] ye una estrella na constelación d'Orión de magnitú aparente +3,59. Anque nun tien nome propiu habitual, en China yera conocida como Yuh Tsing, «el pozu doráu».[2] Alcuéntrase aprosimao a 554 años lluz de distancia del Sistema Solar.

Tau Orionis ye una xigante azul de tipu espectral B5III con una temperatura efectivo de 14.100 K. Incluyendo una gran cantidá radiación ultravioleta emitida, Tau Orionis relluma con una lluminosidá 3100 vegaes mayor que la del Sol. Con un radiu 9,4 vegaes más grande qu'el radiu solar, la so velocidá de rotación proyeutada —43 km/s— implica un periodu de rotación inferior a 11 díes. Tien una masa 6 vegaes superior a la del Sol, per debaxo de la llende a partir del cual les estrelles españen como supernoves, polo que va concluyir los sos díes como una nana blanca d'unes 0,95 mases solares. La so edá envalórase en 63 millones d'años.[3]

Esisten trés compañeres visuales cerca de Tau Orionis, que reciben los nomes de Tau Orionis B, C y D.[4] Los dos primeres paecen ser estrelles qu'a cencielles tán na mesma llinia de visión, ente que Tau Orionis D, una nana mariella de magnitú 11 asitiada a 36 segundos d'arcu,[5] amosó a lo llargo de más d'un sieglu un movimientu similar al de Tau Orionis, polo que probablemente sía una compañera real.[3]

Referencies[editar | editar la fonte]

  1. Tau Orionis - Star in double system (SIMBAD)
  2. Allen, Richard Hinckley (1889). «Orion», en Courier Dover Publications: Star Names — Their Lore and Meaning (n'inglés), 563. ISBN 0-486-21079-0. Consultáu'l 19 de febreru de 2012.
  3. 3,0 3,1 Tau Orionis (Stars, Jim Kaler)
  4. Tau Orionis (The Bright Star Catalogue)
  5. BD-07 1028D - Star in double system (SIMBAD)

Coordenaes: Sky map 5h 17m 36.389s, -6° 50 39.87