Tau Herculis
Coordenaes: 
16h 19m 44.437s, 46° 18′ 48.112″
Tau Herculis (τ Her / 22 Herculis / HD 147394) ye una estrella de magnitú aparente +3,89[8] na constelación d'Hércules. Asitiada a 315 años lluz del Sistema Solar, Tau Herculis foi la Estrella Polar nel añu 7400 e.C. —nel periodu mesolíticu— y volverá selo de nuevu nel añu 18.400.
Catalogada nes bases de datos astronómiques como subxigante de tipu espectral B5IV,[8][9] otros estudios consideren a Tau Herculis una estrella secuencia principal que namái percorrió 2/3 del so periodu de fusión nuclear d'hidróxenu.[10] Tien una temperatura efectivo de 15.000 K y relluma con una lluminosidá 700 vegaes mayor que la del Sol. Ye una estrella relativamente masiva de 4,9 mases solares y tien un tamañu 4 vegaes más grande que'l del Sol. Xira sobre sigo mesma con una velocidá de rotación proyeutada de 27 km/s, anque se piensa que la so exa de rotación pue tar apuntando aproximao escontra nós, polo que la so velocidá de rotación real pue ser bien cimera al valor anterior.[10]
Tau Herculis nun ye una estrella dafechu estable, tando considerada una estrella B pulsante lenta» (SPB), asemeyada a 53 Persei. El rellumu de Tau Herculis fluctúa aproximao un 5%, reconociéndose dos periodos de 1,15 y 1,28 díes.[10]
A pocu más de segundos d'arcu de Tau Herculis puede reparase una estrella, denomada BD+46 2169B,[11] que comparte movimientu propiu con ella. Considerando que realmente forma un sistema binariu con Tau Herculis, ye una nana colorada de tipu M2 —a partir de la so magnitú aparente +14,6— dixebrada siquier 650 UA de la estrella principal.[10]
Referencies[editar | editar la fonte]
- ↑ 1,0 1,1 1,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Afirmao en: UBV photometry of stars whose positions are accurately known. VII. Páxina: 591–592. Data d'espublización: 1993.
- ↑ Afirmao en: VizieR. Llingua de la obra o nome: inglés.
- ↑ «Rotational velocities of A-type stars in the northern hemisphere. II. Measurement of v sin i» (n'inglés). Astronomy and Astrophysics (3): páxs. 897-911. ochobre 2002. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ «Stellar population models in the UV. I. Characterisation of the New Generation Stellar Library» (n'inglés). Astronomy and Astrophysics: páxs. A143. febreru 2012. doi:.
- ↑ «The Kinematics of the Gould Belt: an Expanding Group?». The Astrophysical Journal Supplement Series: páxs. 371. avientu 1968. doi:.
- ↑ 8,0 8,1 V* tau Her -- Long-period variable star (SIMBAD)
- ↑ Tau Herculis (The Bright Star Catalogue)
- ↑ 10,0 10,1 10,2 10,3 Tau Herculis (Stars, Jim Kaler)
- ↑ BD+46 2169B -- Star in double system (SIMBAD)
Coordenaes: 16h 19m 44.437s, 46° 18′ 48.112″
| Control d'autoridaes |
|
|---|
Datos: Q3232652