Talitha Australis
Coordenaes: 
9h 3m 37.528s, 47° 9′ 23.489″
Talitha Australis ye'l nome de la estrella κ Ursae Majoris (κ UMa / 12 UMa) de magnitú aparente +3,6,[6] asitiada na constelación del sietestrellu. El so nome provién tantu del árabe como del llatín. La pallabra Talitha («terceru») remanez del árabe y fai referencia al «tercer saltu», yá que pa los antiguos árabes, les estrelles que nós acomuñamos coles pates de la osa yeren les buelgues de gaceles saltando. La pallabra Australis, proveniente del llatín, alude a la so condición d'estrella del sur, pa estremala de la vecina Talitha Borealis (ι Ursae Majoris).
Talitha Australis ye una estrella binaria distante 423 años lluz del Sistema Solar. Les dos componentes tán visualmente bien próximes, siendo la so separación de namái 0,3 segundos d'arcu.[7] Son dos estrelles bien asemeyaes de tipu espectral A1 con una temperatura en redol a 9600 K. La componente principal ye 290 vegaes más lluminosa que'l Sol y la so compañera ye 250 vegaes más lluminosa qu'ésti. Dambes tán terminando la combustión d'hidróxenu nel so nucleu internu y tresformándose en subxigantes. El periodu orbital del sistema paez ser de 35,6 años, variando la separtación ente les dos estrelles ente 11 y 37 UA por cuenta de la escentricidá de la órbita.[8]
Una o les dos estrelles son estrelles Ae, esto ye, emiten radiación que nun provién de les estrelles en sí, sinón d'un discu circumestelar esistente en redol a elles. Esta clase d'estrelles son les homólogues de tipu A de les estrelles Be, ente les que s'atopa Gomeisa (β Canis Minoris), magar ésta última ye unos 200 K más caliente. Como ye d'esperar nesti tipu d'estrelles, una o les dos estrelles que formen Talitha Australis roten rápido; la velocidá de rotación midida ye de siquier 201 km/s, lo qu'implica un periodu de rotación igual o inferior a 3,5 díes.[8]
Referencies
[editar | editar la fonte]- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Claus Fabricius (marzu 2002). «The Tycho double star catalogue» (n'inglés). Astronomy and Astrophysics (1): páxs. 180–189. doi:.
- ↑ 4,0 4,1 «Rotational velocities of A-type stars» (n'inglés). Astronomy and Astrophysics (2): páxs. 671–682. febreru 2007. doi:.
- ↑ Ralf-Dieter Scholz (payares 2007). «Astrophysical supplements to the ASCC-2.5: Ia. Radial velocities of ∼55000 stars and mean radial velocities of 516 Galactic open clusters and associations». Astronomische Nachrichten (9): páxs. 889-896. doi:.
- ↑ Kappa Ursae Majoris (SIMBAD)
- ↑ Kappa Ursae Majoris Archiváu 2015-07-31 en Wayback Machine (The Bright Star Catalogue)
- ↑ 8,0 8,1 Kappa Ursae Majoris (Stars, Jim Kaler)
Coordenaes: 9h 3m 37.528s, 47° 9′ 23.489″
Datos: Q1542929