Sylvia melanothorax

Sylvia melanothorax;
Estáu de caltenimientu
	; Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Sylviidae
Xéneru:	Sylvia
Especie:	S. melanothorax; Tristram, 1872, En-Gedi, Palestina
Consultes
	[editar datos en Wikidata]

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu.

'''Sylvia melanothorax^[2] ye una especie d'ave paseriforme de la familia Sylviidae que vive en Xipre y la contorna del mar Roxu.

Descripción

Como la mayoría de les especies del xéneru Sylvia presenta dimorfismu sexual nel so plumaxe. El machu adultu tien la cabeza negra con bigoteras blanques y el restu de partes cimeros gris llisu. Los sos partes inferiores son abuxaes densamente motudes en negru, lo que-y estrema del restu de papudes. Les femes sicasí tienen la cabeza abuxada y les partes inferiores ablancazaes con un llixeru motudu escuru.

Distribución

Ye una ave migratoria que cría en Xipre y muévese al sur pa pasar l'iviernu nes mariñes occidentales del mar Roxu, distribuyíu por Israel, Xordania, Exiptu, Sudán y Eritrea.

Vive en zones de carba seca cercanes a la mariña, de cutiu nes fasteres de los montes.

Taxonomía

Forma una superespecie xunto a la papuda de Rüppell carauterizada por papuda de gargüelu escuru, con bigoteras blanques y los cantos de les remiges claros. De la mesma tán emparentaes coles papudes del Mediterraneu y Oriente mediu que tienen el aniellu periocular estenu, especialmente cola papuda subalpina, la papuda sarda y la papuda de Menetries. Dambos grupos tienen la zona al pie del quexal blancu, anque nun formando una llista nel postreru. Percima d'esti blancu la cabeza de los machos ye de tonos escuros uniformes.^[3]

Comportamientu

Aliméntase principalmente d'inseutos, anque tamién come pequeños frutos.

Añera nes carbes baxes, onde pon ente 3 y 5 güevos.

Referencies

↑ BirdLife International (2012). «'Sylvia melanothorax'» (inglés). Llista Roxa d'especies amenazaes de la UICN 2012.2. Consultáu'l 19 d'agostu de 2013.
↑ De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Undécima parte: Orden Passeriformes, Familias Muscicapidaea a Silviidae)». Ardeola. Handbook of the Birds of the World (Madrid: SEO/BirdLife) 54 (1): páxs. 145-153. ISSN 0570-7358. https://www.seo.org/wp-content/uploads/tmp/docs/vol_54_1_once1.pdf.
↑ The Sylvia Monograph, A & C Black, London; Jønsson & Fjeldså 2006

Bibliografía

The Sylvia Warblers Monograph, A & C Black, London: ‘Sylvia Warblers: Identification, Taxonomy and Phylogeny of the Genus Sylvia’ (2001) by Shirihai, H., Gargallo, G., & Helbig, J. A. [Illustrated by Alan Harris; Photographic Editing and Field Photography by David Cottridge ; Editáu por Guy M. Kirwan and Lars Svensson.]. (Helm Identification Guides)

Jønsson, Knud A. & Fjeldså, Jon (2006): A phylogenetic supertree of oscine passerine birds (Aves: Passeri). Zool. Scripta 35(2): 149–186. doi 10.1111/j.1463-6409.2006.00221.x (HTML abstract)

Enllaces esternos

[1] BirdLife International (2012). «'Sylvia melanothorax'» (inglés). Llista Roxa d'especies amenazaes de la UICN 2012.2. Consultáu'l 19 d'agostu de 2013.

[2] De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Undécima parte: Orden Passeriformes, Familias Muscicapidaea a Silviidae)». Ardeola. Handbook of the Birds of the World (Madrid: SEO/BirdLife) 54 (1): páxs. 145-153. ISSN 0570-7358. https://www.seo.org/wp-content/uploads/tmp/docs/vol_54_1_once1.pdf.

[3] The Sylvia Monograph, A & C Black, London; Jønsson & Fjeldså 2006

[1]

[2]

[3]