Susan Peters

De Wikipedia
Saltar a: navegación, buscar
Susan Peters
Susan Peters
Studio publicity Susan Peters.jpg
Nome real Suzanne Carnahan
Nacencia 3 de xunetu de 1921
Spokane (Washington),
Estaos Xuníos Bandera de Estaos Xuníos d'América
Muerte 23 d'ochobre de 1952 (31 años).
Visalia (California),
Estaos Xuníos Bandera de Estaos Xuníos d'América
Pareya/es Richard Quine
Ficha en IMDb

Susan Peters (3 de xunetu de 192123 d'ochobre de 1952) foi una actriz teatral, cinematográfica y televisiva de nacionalidá estaunidense.

Primeros años[editar | editar la fonte]

El so verdaderu nome yera Suzanne Carnahan, y nació en Spokane (Washington). El so primer contratu tuvo llugar colos estudios Warner Bros., anque dempués de rematar la high school empezó a trabayar para MGM. La so primer ocupación yera lleer nes pruebes de pantalla al pie de los potenciales nuevos actores. Pasáu pocu tiempu impresionara col so talentu a los executivos cinematográficos, y empezó a ser escoyida p'actuar na gran pantalla.

Carrera[editar | editar la fonte]

Escena de Borrina nel pasáu (1942)

Nos sos dos primeros años como actriz utilizaba'l so nome de nacencia, faciendo papeles pequeños, y de cutiu ensin creitos, en filmes como Meet John Doe (1941). Pero la so engañadora actuación con un papel de repartu na cinta de MGM Tish valió-y un contratu. El so primer papel d'importancia, en Borrina nel pasáu (1942), valió-y la nominación al Óscar a la meyor actriz de repartu.

Impresionaos con ella, en MGM empezaron a preparar pa faer papeles protagonistes, dándo-y delles producciones menores con cuenta de que dir consolidándose como actriz. Un papel protagonista en Song of Russia (1943) valió-y l'aplausu de la crítica, anque'l filme nun tuvo ésitu comercial. Sicasí, en 1944 foi una del grupu de diez intérpretes en ser alzáu de la categoría de "actor de repartu" a la de "estrella" oficial del estudiu. Los otros fueron Esther Williams, Laraine Day, Kathryn Grayson, Van Johnson, Margaret O'Brien, Ginny Simms, Robert Walker, Gene Kelly, y George Murphy. Nuna semeya oficial tomáu a los actores de MGM d'esa dómina, puede trate a Peters compartiendo la primer fila col xefe del estudiu, Louis B. Mayer, y con intérpretes como James Stewart, Mickey Rooney, Margaret Sullavan, Katharine Hepburn, Hedy Lamarr, y Greer Garson.

Accidente y fallecimientu[editar | editar la fonte]

Escena de Tish (1942).

Peters casóse col direutor y actor cinematográficu Richard Quine el 7 de payares de 1943. La pareya adoptó un fíu al que llamaron Timothy Richard Quine. Peters y el so home taben cazando patos el 1 de xineru de 1945 cuando una arma disparóse por fuerza y l'actriz resultó mancada,[1] agospiándose la bala na migollu espinal. L'accidente produció-y una paraplexía permanente que-y obligaba a usar una siella de ruedes. A pesar d'ello, Peters intentó siguir cola so carrera nel cine.

MGM siguió pagando'l so salariu pero, incapaz d'atopar proyectos fayadizos, Peters hubo de dexar l'estudiu. Aun así, volvió a la pantalla pa faer el primer papel na película de Columbia Pictures The Sign of the Ram (1948), anque la cinta nun tuvo bon resultancia de taquilla. En 1951 actuó, nel papel d'una abogada, na serie televisiva Miss Susan, que tampoco tuvo ésitu. Como actriz teatral, actuó en xira coles obres El zoo de cristal y The Barretts of Wimpole Street, siendo perbién valoraes les sos actuaciones, anque la so discapacidá faía bien difícil la busca de papeles apropiaos pa ella.

Por causa de tou ello la so carrera esmorecía y, en dixebrándose del so home en mayu de 1948,[2] Peters sufrió una depresión. El so salú siguió deteriorándose, complicada con una anorexa nerviosa, que-y xeneró una enfermedá renal y una neumonía. Finó en 1952, a los 31 años d'edá, en Visalia (California).[3] Foi soterrada nel Campusantu Forest Lawn Memorial Park de Glendale (California).

Pola so contribución a la industria cinematográfico, Susan Peters recibió una estrella nel Paséu de la Fama de Hollywood, nel 1601 de Vini Street.

Filmografía[editar | editar la fonte]

Añu Títulu Papel Observaciones
1940 Susana y Dios

Ensin creitos

1940 The Man Who Talked Too Much Pequenu papel Ensin creitos
1940 Young America Flies Una de les amigues de Jack Ensin creitos
1940 Money and the Woman Depositante Ensin creitos
1940 Camín de Santa Fe Charlotte Davis Acreditada como Suzanne Carnahan
1941 The Strawberry Blonde

Ensin creitos

1941 Here Comes Happiness Miss Brown Ensin creitos
1941 Meet John Doe Cazadora d'autógrafos Ensin creitos
1941 Scattergood Pulls the Strings Ruth Savage
1941 Three Sons o' Guns Mary Tyler
1942 Personalities Ensin creitos
1942 The Big Shot Ruth Carter
1942 Tish Cora Edwards Bowzer
1942 Dr. Gillespie's New Assistant Mrs. Howard Allwinn Young
1942 Borrina nel pasáu Kitty Nomada al Óscar a la meyor actriz de repartu
1942 Andy Hardy's Double Life
1943 Assignment in Brittany Anne Pinot
1943 Young Idees Susan Evans
1944 Song of Russia Nadya Stepanova
1945 Keep Your Powder Dry Ann "Annie" Darrison
1948 The Sign of the Ram Leah St. Aubyn
1951 Miss Susan Susan Martin Episodios desconocíos

Referencies[editar | editar la fonte]

  1. Susan Peters is Accidentally Shot
  2. Susan Peters and Husband Part
  3. «The Private Life and Times of Susan Peters». glamourgirlsofthesilverscreen.com. Consultáu'l 3 d'ochobre de 2009.

Ver tamién[editar | editar la fonte]

Enllaces esternos[editar | editar la fonte]