Sotrondio
 Sotrondio | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu | Samartín del Rei Aurelio |
| Parroquia | Samartín |
| Partíu xudicial | Llaviana |
| Tipu d'entidá | villa |
| Nome oficial | Sotrondio (ast)[1] |
| Xeografía | |
| Coordenaes | 43°17′N 5°36′W / 43.28°N 5.6°O |
  Sotrondio Sotrondio (Asturies) | |
| Demografía | |
| Población | 2919 hab. (2024) |
| Porcentaxe | 84.1% de Samartín |
| Más información | |
| Estaya horaria | UTC+01:00 |
 | |
Sotrondio[2] ye una villa[3] de la parroquia de Samartín, nel conceyu asturianu de Samartín del Rei Aurelio. Alministrativamente ye ún de los trés nucleos urbanos que formen la ciudá asturiana de Samartín del Rei Aurelio. Yera la villa capital hasta que, per Decretu de la Comunidá Autónoma del 13 de setiembre de 2007[4], Sotrondio améstase a les poblaciones de L'Entregu y Blimea pa formar la población de Samartín del Rei Aurelio, que sedrá la capital del conceyu del Valle del Nalón. Alcuéntrase a 30 km d'Uviéu.
Descripción
[editar | editar la fonte]La población de Sotrondio yera de 3.849 habitantes en 2009, disminuyendo por mor de la crisis industrial nes cuenques mineres. Sigue menguando, tando actualmente perbaxu los 3.000 habitantes (2.919 en 2024)[5]. Cruza'l ríu Nalón que separta'l barriu de Serrallo del restu de la población.
Antaño, hasta la reconversión industrial de los años 1980, Samartín del Rei Aurelio foi unu de los conceyos con mayor númberu d'esplotaciones de carbón d'España (dalgunos como'l Pozu San Mamés) que dexaron numberosos restos mineros, ente elles les pontes de fierro de La Maquinilla y Los Gallegos en Sotrondio.
Na Ilesia de Samartín de Tours, cercana a Sotrondio, atopamos el supuestu sepulcru del Rei Aurelio. La ilesia parroquial de Sotrondio ye la d'Ilesia de Samartín, d'estilu historicista, fecha por Duro Felguera tres la Guerra Civil. Atopamos l'ayuntamientu y el llar de la Mancomunidá Valle del Nalón. Cuenta con estación de FEVE, polideportivu con piscina climatizada, un hotel, un institutu, y xúntase con Blimea pel parque d'El Florán. Tolos años celébrense les Xornaes de la Sidra, les Xornaes de los Nabos (platu típicu, siendo Fiesta d'Interés Turísticu), y fiestes patronales en xunetu. En Santa Bárbola ye perimportante la fiesta d'El Pote, nel mes d'agostu.
Topónimu
[editar | editar la fonte]Según Xosé Lluis García Arias, l'orixe del nome Sotrondio surde d'una probable combinación del nome «Sotu» (biesca al pie d'un ríu), más l'axetivu «redondu».[6]
Llaneza Fernández propón que vien de la combinación dellos topónimos «La Sota» y «L'Ordiu», nomes de dos partes del actual Sotrondio, que tien la ventaya de nun tener qu'esplicar la desapaición de la esperable metafonía «Suturundiu», que se daría na fala llariega al combinar «Sutu Redundu».[6]
Un etimoloxía popular axudica l'orixe del nome a la lleenda d'un caballu llamado Trondio:
«Una vez, d'esto fai sieglos asgaya, na dómina na que dellos de los pueblos del valle del Nalón nin tan siquiera esistíen, y otros nomes como Sotrondio yeren tán pequeñucos que nin nome propiu teníen, diba un ricu y noble cazador montáu nun fermosu caballu que llamaba Trondio, en busca de caza pelos bosques del conceyu de Llangréu (...) Al pasar pelo qu'agora se conoz como L'Entregu, al caballu, nun se sabe porqué, entráron-y unes ganes pergrandes d'echar a correr (...) el paisanu entamó a sentise daqué cansáu y tirando del frenu empecipó a decí-y al desbocáu animal: -¡Soo Trondio!...»LLaneza Fernández, (1996)"De toponimia y de Lleyendes"
Referiencies
[editar | editar la fonte]- ↑ «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 1r setiembre 2022.
- ↑ «Espediente colos topónimos oficiales de Samartín del Rei Aurelio». BOPA.
- ↑ «SADEI: Noménclator d'entidaes del Principáu d'Asturies» (en castellanu).
- ↑ http://www.boe.es/boe/dias/2007/12/01/pdfs/A49802-49802.pdf Decretu que camuda la capital de Samartín del Rei Aurelio
- ↑ Nomenclátor del INE: Población del padrón continuo por unidad poblacional. (Institutu Nacional d'Estadística).
- 1 2 Llaneza Fernández, (1996), "De Toponimia y de lleyendes", "Les fiestes del pote 1996", L'Entregu, p. 35
Enllaces esternos
[editar | editar la fonte]
Wikimedia Commons acueye conteníu multimedia sobre Sotrondio.
