Blimea

De Wikipedia
Saltar a navegación Saltar a la gueta
Blue globe icon.svgBlimea
Blimea.jpg
Alministración
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuSamartín del Rei Aurelio
Partíu xudicial Llaviana
Tipu entidá parroquia d'Asturies
Xeografía
Coordenaes 43°16′21″N 5°35′20″O / 43.2725°N 5.5889°O / 43.2725; -5.5889Coordenaes: 43°16′21″N 5°35′20″O / 43.2725°N 5.5889°O / 43.2725; -5.5889
Blimea is located in Asturies
Blimea
Blimea
Blimea (Asturies)
Superficie 9 66 km²
Demografía
Población 3,867 hab. (2005)
Densidá 400,31 hab/km²
Cambiar los datos en Wikidata

Blimea ye una de les cinco parroquies actuales del conceyu de Samartín del Rei Aurelio (Asturies), la que se topa más al oriente. Por Decretu-Llei[1] d'avientu de 2007, la villa de Blimea xúntase a L'Entregu y Sotrondio pa perfacer la ciudá de Samartín, siendo la villa de Blimea ún de los sos distritos.


Xeografía[editar | editar la fonte]

El ríu Nalón divídela en dos grandes metaes y forma una amplia vega que ye onde se llevanta la villa de Blimea capital de la parroquia. Amás de la villa, componen el territoriu blimeín les fasteres de La Cabezá y La Cuesta, na lladera a la mandrecha'l ríu Nalón, y les de Sanamiés y La Capellanía Sienra na de la manzorga. No que cinca a les llendes territoriales de la parroquia hai que constatar que na década de los cincuenta del sieglu XX una de les sos fasteres tradicionales, El Valle de la Cerezal, pasó a formar parte de la parroquia de Santa Bárbola, cola que siempre tuvo integrada tanto no hidrográfico como no llingüístico. Les llendes actuales de la parroquia de Blimea son: al norte, el conceyu de Bimenes y la parroquia de Cocañín; al este'l conceyu de Llaviana; al sur la parroquia de Santa Bárbola y al oeste la parroquia de Samartín.

Historia[editar | editar la fonte]

En La Campa La Españal alcuéntrase un monumentu megalíticu de reciente catalogación colo qu'hai señes que yá'l territoriu de la parroquía taba habitáu hai bien d'años.

Trátase d'una parroquia antigua que yá figura como tala y col nome de "Vimea" nel Inventariu de Parroquies ellaboráu por orde del Obispu d'Uviéu, D. Gutierre de Toledo ente los años 1385-1386. Como "Bimeda" conséñase nel Libro de la hermita de Santa Bárbora nos años de 1687 y 1784.

En 1834, na Primer Guerra Carlista, fuercies carlistes baten en territoriu la parroquia a una columna lliberal, ayudando a semar l'alarma na fastera centro-occidental d'Asturies.

Llugares[editar | editar la fonte]

La parroquia ta compuesta poles siguientes poblaciones y llugares:

Fiestes[editar | editar la fonte]

  • El primer fin de selmana d'agostu cellébrense Les fiestes de nuestra señora de les Nieves.
  • El primer fin de selmana d'avientu cellébrase La fiesta gastronómica de los Pimientos Rellenos

Referencies[editar | editar la fonte]

  1. http://www.boe.es/boe/dias/2007/12/01/pdfs/A49802-49802.pdf Decretu-Llei pol que s'alteria la capitalidá del conceyu de Samartín del Rei Aurelio

Enllaces esternos[editar | editar la fonte]

Flag of Asturias (indoor).svg Parroquies de Samartín del Rei Aurelio Escudo de San Martín del Rey aurelio.gif

Mapa parroquial de Samartín del Rei Aurelio (color).jpg



1.Blimea


2.Cocañín


3.Samartín


4.San Andrés de Llinares


5.Santa Bárbola