L'Entregu

De Wikipedia
Saltar a navegación Saltar a la gueta
L'Entregu
Lentregu3.jpg
Llocalización
Coordenaes 43°17' N 5°38' O
Xeografía
Tipu d'entidáVilla
Comunidá: Flag of Asturias.svg Asturies
Conceyu: Escudo de San Martín del Rey aurelio.gif   Samartín del Rei Aurelio
Partíu xudicialLlaviana
ParroquiaLlinares
Población
 • Habitantes
(2011)
7,400 hab[1]

L'Entregu ye'l mayor pueblu del conceyu asturianu de Samartín del Rei Aurelio (conceyu con un total de 18.286 habitantes, 2011), y pertenez a la parroquia de Llinares. L'Entregu tien una población de 7.400 habitantes (2011). Ta allugau al delláu del Ríu Nalón, que lu trespasa d'este a oeste.

Historia[editar | editar la fonte]

Dellos vestixos de calter prehestóricu confirmen el pasu y asentamientu de tribus de pastores nómades alrodiu del segundu mileniu enantes de Cristu. D'esta data ye l'hachu de piedra tallao afayáu en L'Entregu (Muséu Arqueolóxicu Nacional). Los túmulos funerarios y esteles discoidees de Los Cuetos, el dolme de la Campa L'españal (mileniu III e.C.) y un hachu de bronce del tipu de talón con dos ases, ésti afayáu en Sotrondio, perteneciente a la dómina del Bronce final o entamos del Fierro, ente los años 1000 e.C. y 500 e.C.

Ente los años 768 y 774 dC tuvo baxo'l gobiernu del Rei Aurelio, que treslladó la so corte a Samartín.

El restu de la hestoria de L'Entregu va lligáu a la hestoria del so conceyu; hai de sorrayar la riada de 1676, nomada La Llena San Miguel qu'esanició la vega Llinares, (na redolada del parque de la Llaguna) y la quema de les tropes Napoleóniques a entamos del sieglu XIX, de la casa de los García Bernaldo como represalia pola muerte d'un soldáu na Oscura.

Nel añu 1820, xunto colos pueblos de Samartín del Rei Aurelio, dixebróse de Llangréu, pa inxertase de nueves nel 1823 cola reaición absolutista, y dixebrase otra vegada'l 6 de xineru de 1837.

Muséu de la Minería ya Industria.

El pueblu[editar | editar la fonte]

El nome de L'Entregu vien del llatín vulgar "intracticu" o desembocadura (riascu del Bédavo nel Nalón). Nun tien un res de raro qu'esti accidente hidrográficu valiera pa nomar el tarrén y por consiguiente'l nucleu de población asitiáu al delláu, magar que la "lleenda" diz que'l topónimu de L'Entregu ta rellacionáu cola entrega, por parte del Rei Aurelio de cien moces como tributu a los musulmanes empara de paz (esti Rei, ta dientro la llista de los nomaos Reis Vagos: Reis que nun ficieron la guerra escontra los moros).

Anguaño, el pueblu tien un nucleu principal y delles güeries al delláu (Fradera, El Fielatu, La Oscura, El Cotu, Bédavo, Poladura, Meruxeo, la Vega Llinares, Santana, La Güeria Carrocera, etc). Ye'l final de la llinia de ferrocarril que xune la Cuenca'l Nalón cola capital, Uviéu.

L'actividá económica de la población sofítase entá, pero cada vegada menos, na minería. Preba d'ello ye'l Muséu de la Minería, allugáu na güeria de San Vicente, al llau de L'Abonión.

De L'Entregu y de les güeries son dellos escritores, cantantes y autores en llingua asturiana: Chechu García, Manuel Asur, Nuberu ...

Capitel de Ilesia de San Andrés, L'Entregu, SaMartín del Rei Aurelio.
cebolles rellenes de bonito
Casadiella

Fiestes[editar | editar la fonte]

  • La Llaguna. Estes fiestes celébrense la tercer selmana de xunetu. Nacieron en 1907 (enantes facíense en setiembre), no qu'anguaño ye'l Parque de La Llaguna y que naquelles dómines yera'l "Prau d'abaxu"
  • Cebolles Rellenes. Celébrase'l 30 de payares n'honor de "San Andrés", patrón de L'Entregu. El menú componénlu: Callos, Cebolles rellenes y Casadielles.

Referencies[editar | editar la fonte]