Sistema de Coordenaes Universal Tresversal Mercator

De Wikipedia
Saltar a: navegación, buscar

El Sistema de Coordenaes Universal Tresversal de Mercator (N'inglés Universal Transverse Mercator, UTM) ye un sistema de coordenaes sofitáu na proyeición xeográfica tresversa de Mercator, que se constrúi como la proyeición de Mercator normal, pero n'arróu de facela tanxente al Ecuador, faise tanxente a un meridianu. A desemeyanza del sistema de coordenaes tradicional, espresaes en llonxitú y llatitú, les magnitúes nel sistema UTM fainse en metros. (Ver Sistema de Coordenaes Xeográfiques)

Mapa del mundiu en proyeición tresversa de Mercator, centráu sobro'l meridianu 0º y l'Ecuador
Mapa del mundiu en proyeición tresversa de Mercator, centráu sobro'l meridianu 45º E y l'Ecuador

Proyeición Tresversa de Mercator[editar | editar la fonte]

Proyeición de Mercator tresversa

La UTM ye una proyeición cilíndrica conforme. El fautor d'escala na direición del paralelu y na direición del meridianu son iguales (h = k).

Les llinies lloxodrómiques represéntense como llinies reutes sobro'l planu (mapa). Los meridianos proyéutense sobro'l planu con una separtación proporcional a la del modelu, asina hai equidistancia ente ellos. Sicasí los paralelos van separtándose a midida que nos alloñamos del Ecuador, polo qu'al aportar al Polu les deformaciones sedrán infinites. Ye la xida pola que namái se representa la rexón ente los paralelos 80ºN y 84ºS. Arriendes ye una proyeición compuesta; l'esfera represéntase en trozos, non entera. Pa ello dixébrase la Tierra en fusos de 6º de llonxitú caún.

La proyeición UTM tien la ventaya de que dengún puntu ta alloñáu del meridianu central de la so estaya, polo que les distorsiones son pequeñes. Esto algámase al costu de la discontinuidá: un puntu na llende de la estaya proyéutase en dos punto desemeyaos, sacante que s'allugue nel ecuador. Una llinia que xuna dos puntos, ente estayes qu'enconten, nun ye continua sacante que crucie pel ecuador.

Pa torgar estes discontinuidades, a vegaes espárdense les estayes, pa que'l meridianu tanxente seya'l mesmu. Esto permite mapes continuos a veces estiendense les zones, pa que'l meridianu tanxente seya'l mesmu. Esto permite mapes continuos cásique compatibles colos estándar. Sicasí, nes llendes d'eses estayes, les distorsiones son mayores que nes estayes estándar.

Coordenaes UTM[editar | editar la fonte]

Fusos y Estayes UTM


Fusos UTM[editar | editar la fonte]

Dixébrase la Tierra en 60 fusos de de llonxitú, la estaya de proyeición de la UTM defínese ente los paralelos 80ºS y 84ºN. Cada fusu numbérase con un númberu ente'l 1 y el 60 , tando'l primer fusu llendáu ente les llonxitúes 180º y 174ºW y centráu nel meridianu 177ºW. Cada fusu tien arreyáu un meridianu central, que ye au s'alluga l'orixe de coordenaes, xunto col ecuador

Los fusos numbérensen n'orde creciente haza l'este. Por exemplu, la Península Ibérica ta allugada nos Fusos 31 al 29, y Canaries ta nel fusu 28. Nel sistema de coordenaes xeográficu, les llonxitúes respreséntense davezu con valores que van dende los -180º fasta cásique 180º (intervalu (-180º,180º); el valir de llonxitú 180º nun se correspuende col fusu UTM 60, sinón col 1, darréu que nesi sistema 180º equival a -180º.

Estayes UTM[editar | editar la fonte]

Dixébrase la Tierra en 20 estayes de de llatitú, que se denomen con lletres dende la C fasta la X, sacantes les lletres I y O, pol so aldéu colos númberos 1 y 0, respeutivamente. Como ye un sistema americanu, tampoco nun s'usa la lletra Ñ. La estaya C coincide col intervalu de llatitúes que va dende 80º S (o -80º) fasta 72ºS (o -72º). Les estayes polares nun tán consideraes nesti sistema de referencia. Pa definir un puntu en cualesquier Polu, úsase'l sistema de coordenaes UPS. Si una estaya tien lletra igual o mayor que la N , la estaya ta allugada nel hemisferiu norte, mentanto que si ta nel Sur, la lletra ye menor que la N.

Notación[editar | editar la fonte]

Cada cuadrícula UTM defínese col númberu del Fusu y la lletra de la estaya. Por exemplu, la ciudá de Valencia taría na cuadrícula 30S.

Esceiciones[editar | editar la fonte]

La rexella ye regular, sacantes en 2 estayes, dambes nel hemisferiu norte; la primera ye la estaya 32V , que caltién el suroeste de Noruega; esta estaya foi espardida pa qu'abarcara la costa occidental d'esti país, a costu de la estaya 31V que foi recortada. La segunda esceición afáyase entá más al norte, na estaya conocida como Svalbard

Enllaces esternos[editar | editar la fonte]