Sigma Aquilae

De Wikipedia
Saltar a navegación Saltar a la gueta
Sigma Aquilae
Sigma Aquilae A/B
Constelación Aquila
Ascensión reuta α 19h 39min 11,6s
Declinación δ +05º 23' 52
Distancia 680 ± 120 años lluz
Magnitú visual +5,18 (conxunta)
Magnitú absoluta -1,42 (conxunta)
Lluminosidá 1540 / 1400 soles (bolométrica)
Temperatura 18.500 / 18.500 K
Masa 6,9 / 5,5 soles (aprox)
Radiu 3,8 / 3,7 soles
Tipu espectral B3V / B3V
Velocidá radial -4,8 km/s

Sigma Aquilae (σ Aql / 44 Aquilae / HD 185507) ye un sistema estelar na constelación del Águila. De magnitú aparente +5,18, alcuéntrase a aprosimao 680 años lluz del Sistema Solar.

Sigma Aquilae ye una estrella binaria cercana que les sos componentes son dos estrelles blancu-azulaes de tipu espectral B3V. Son estrelles calientes con una temperatura superficial envalorada de 18.500 K, y una lluminosidá —tenida en cuenta la radiación emitida nel ultravioleta— de 1540 y 1400 soles, lo que supón que Sigma Aquilae A ye un 10% más lluminosa que Sigma Aquilae B. La masa de caúna d'elles ye unes 6 vegaes mayor que la masa solar.

D'especial interés ye la mínima separación ente dambes estrelles, 0,07 UA —o lo que ye lo mesmo, 15 radios solares—, nuna órbita circular. Amás, l'enclín de la mesma al respective de nós fai que sía una binaria eclipsante; cada 1,95 díes una de les estrelles clisa a la otra. El periodu de rotación ta sincronizáu col periodu orbital, esto ye, caúna de les estrelles presenta siempres la mesma cara a la otra (rotación síncrona). Les fuercies de marea y la so rápida rotación (completen un xiru en 2,3 y 1,9 díes) fai que les estrelles nun sían esfériques sinón esnachaes, lo que produz cambeos nel so rellumu a midida que camuda la so forma dende la nuesa perspeutiva, con independencia de los eclises. Sicasí, nun tán tan próximes como por que les sos superficies estiéndanse más allá de los lóbulos de Roche, y por tantu nun hai tresferencia de masa ente elles.

Referencies[editar | editar la fonte]