Secuencia de Hubble

De Wikipedia
Saltar a navegación Saltar a la gueta

La secuencia de Hubble ye una clasificación de tipos de galaxes desenvuelta por Edwin Hubble en 1936. Tamién la conoz como diagrama diapasón por cuenta de la forma de la so representación gráfica. Los tipos de galaxes estrémense como sigue:

Diagrama en diapasón de la secuencia de Hubble.
Semeya qu'amuesa la secuencia de Hubble.
  • Galaxes elíptiques (E0-7) tienen forma d'elipse, con una distribución bastante uniforme de les estrelles per toes partes. El númberu indica'l grau d'escentricidá: les galaxes E0 son casi redondes, mientres E7 son bien esplanaes. El númberu indica solo l'apariencia de la galaxa nel cielu, non la so xeometría real.
  • Galaxes lenticulares (S0 y SB0) paecen tener una estructura de discu con una concentración d'estrelles central proyectándose d'él. Nun amuesen nenguna estructura espiral.
  • Galaxes espirales (Sa-d) tienen una concentración d'estrelles central y un discu aislláu que presenta brazos espirales. Los brazos tán centraos alredor del bárabu, variando de los bien arremolinaos y poco definíos (Sa) a los bien sueltos y definíos (Sc y Sd). Tamién, ente que nes primeres la concentración central ye enforma pronunciada, nestos últimos y abondo menor, y (sacante esceiciones) la cantidá d'estrelles nueves y la proporción de gas van aumentando a lo llargo de la secuencia.
  • Galaxes espirales barraes (SB0/a-d) tienen una estructura n'espiral, asemeyada a les galaxes espirales pero los brazos proyéctense dende'l final d'una «barra» central en llugar de salir d'una concentración central, como cintes nos estremos d'una batuta. De nuevu, SBa a SBd indica como d'arremolinaos tán estos brazos y el grau de desenvolvimientu de la concentración central y (nuevamente, sacante esceiciones) al dir progresando na secuencia, la cantidá de gas y estrelles nueves va aumentando.
  • Galaxes espirales entemedies (SAB0/a-c) tienen una morfoloxía entemedia ente les galaxes espirales y les galaxes espirales barraes.
  • [[Galaxa irregular|Galaxes irregulares}} (Irr) estrémense en Irr-I, qu'amuesen estructura espiral deformada, y Irr-II pa les galaxes que nun encaxen en nenguna otra categoría.
Propiedaes conocíes de les galaxes
Tipu de galaxa Masa (Mases solares) Lluminosidá (Lluminosidá solar) Diámetru (kpc) Población estelar Porcentaxe de galaxes reparaes
Espiral /Espiral barrada


109 a 1011 108 a 1010 5-250 discu: Población


Iaureola:Población II

77%
Elíptica 105 a 1013 105 a 1011 1-205 Población II 20%
Irregular 108 a 1010 107 a 109 1-10 Población I 3%

Hubble basó la so clasificación en fotografíes de les galaxes tomaes con telescopios de la dómina. De primeres creyó que les galaxes elíptiques yeren una forma inicial, que darréu evolucionaba a espirales; la nuesa conocencia actual suxer que la situación ye más o menos la contraria, sicasí esta creencia dexó marca na xíriga de los astrónomos qu'entá falen de «tipu primitivu» o «tipu avanzáu» de galaxes acordies con si la galaxa apaez a la izquierda o la derecha de la diagrama.

Observaciones más recién diéronnos la siguiente información sobre estos tipos:

  • Les galaxes elíptiques suelen tener poco gas y polvu, y tán compuestes principalmente d'estrelles antigües.
  • Les galaxes espirales tienen abondes esistencies de gas y polvu, y tienen un amiestu d'estrelles antigües y nueves.
  • Les galaxes irregulares son riques en gas, polvu y estrelles nueves.

A partir d'esto, los astrónomos construyeron una teoría de la evolución galáutica que suxer que les elíptiques son resultáu del choque ente galaxes espirales o irregulares, que-yos quita gran parte del gas y polvu y fai que les órbites de les estrelles sían al debalu. Ver formación y evolución de galaxes.

Clasificaciones posteriores

Galaxy morphology.jpg

Dempués d'apaecía ésta secuencia, apaecieron refinamientos d'ésta, tanto pol mesmu Hubble como por otros autores (n'especial, l'astrónomu Gerard de Vaucouleurs), especialmente no que cinca a la clasificación de les galaxes espirales, introduciéndose los tipos entemedios E+ (galaxes con carauterístiques entemedies ente les elíptiques y les lenticulares), S0- (galaxes lenticulares ensin estructures, que namái pueden estremase d'una elíptica por aciu un estudiu detalláu), S00 (galaxes lenticulares con determinada estructura), S0+ (galaxes entemedies ente una lenticular y una Sa), Sab (ente Sa y Sb), Sbc (ente Sb y Sc), y Scd (ente Sc y Sd), asina cómo la clasificación "Pec" (peculiar) p'aquelles galaxes inclasificables (por casu, M82) y les galaxes nanes (con una "d" antes del tipu de la galaxa, y namá pa elíptiques, lenticulares, ya irregulares). La más ellaborada ye la fecha pol yá mentáu Gerard de Vaucouleurs en 1959. Nella, estendióse la clase Sd incluyendo los tipos Sdm y Sm, asina cómo reemplazando'l tipu Irr -sacante pa galaxes irregulares nanes (dIrr)- polos tipos I(m) y IB(m), éstos pa galaxes irregulares con un principiu d'estructura espiral y/o barra, cómo les Nubes de Magallanes, y finalmente el tipu I0 pa galaxes cómo la yá mentada M82.

Como bastantes galaxes espirales presenten carauterístiques entemedies ente les espirales normales (clasificaes cómo SA) y les barraes (clasificaes equí cómo SB), introduciéronse les galaxes de tipu SAB, que son entemedies ente les espirales normales y les barraes. Nésti sistema, esto ye lo primero que se pon.

Tamién se tuvo en cuenta la presencia d'aniellos interiores en delles galaxes. Les galaxes ensin aniellu interior clasifíquense añadiendo de siguío del tipu de galaxa según si tien barra o non «(s)». Si esiste un aniellu interior mal definíu, «(rs)». Si esiste un aniellu bien definíu, «r». Amás, si la galaxa tien un aniellu que la arrodia antes de la clasificación, según la barra o non, se pon una «R»; si l'aniellu ye un aniellu falsu, ponse «R1».

De Vaucouleurs representó ésti sistema de dos maneres: de manera tridimensional pa tolos tipos de galaxes y cómo una rueda pa les espirales y lenticulares (ver enllaces esternos).

Dellos exemplos de galaxes espirales o lenticulares brillantes clasificaes con esti sistema son (datos tomaos de NASA/IPAC Extragalactic Database):

Galaxa d'Andrómeda :SA(s)b (quiciabes SB(s)b por cuenta de la presencia d'una barra)

Galaxa del Triángulu :SA(s)cd

M77: (R)SA(rs)b

M81: SA(s)ab

M85: SA(s)0+ pec

M88: SA(rs)b

M90: SAB(rs)ab

M95: SB(r)b

NGC 1023: SB(rs)0-

NGC 2841: SA(r)b

NGC 2903: SB(s)d

NGC 3115: SA(s)O-

NGC 4526: SAB(s)00

NGC 6946: SAB(rs)cd

NGC 7331: SA(s)b

Enllaces esternos[editar | editar la fonte]