NGC 6946

De Wikipedia
Saltar a: navegación, buscar
NGC 6946
Galaxa de los Fueos Artificiales
Fireworks Galaxis Sig08-008.jpg
Datos d'observación
(dómina J2000.0)
Tipu SAB(rs)cd
Ascensión reuta 20h 34m 52.3s
Declinación +60° 09' 14"
Distancia 10 millones de al
Magnitú aparente (V) 9,6
Tamañu aparente (V) 11,5' × 9,8'
Constelación Cepheus y Cygnus
Otres carauterístiques
Ocho supernoves
reparaes
Otres designaciones
UGC 11597 / PGC 65001
Arp 29
[editar datos en Wikidata]

NGC 6946 ye una galaxa espiral que s'atopa a namái 16 millones d'años lluz de distancia (5.5 megaparsecs según SIMBAD database) na llende de les constelaciones de Cepheus y Cygnus. Apaez vista de frente, siendo'l so magnitú aparente 9,6. Afayóse por William Herschel el 9 de setiembre de 1798.

NGC 6946 apaez escurecida por materia interestelar de la Vía Lláctea, yá que ta bastante próxima al planu galácticu. Ocho supernoves reparáronse nesta galaxa: SN 1917A, SN 1939C, SN 1948B, SN 1968D, SN 1969P, SN 1980K, SN 2002hh y SN 2004et. Por ello tamién ye conocida como Galaxa de los Fueos Artificiales.

Sicasí, ye la nacencia d'estrelles na galaxa y non l'apaición de supernovas lo que confier a NGC 6946 la so colorida apariencia. Por cuenta de razones non dafechu entendíes (al paecer, interacciones gravitatories pasaes con otres galaxes y la presencia d'una barra nel so centru), esperimenta un índiz más altu de formación estelar que toles grandes galaxes de la nuesa redolada, y amás non yá ye una de les galaxes de biltu estelar más cercanes -conteniendo por casu un super cúmulu estelar con una masa envalorada n'ente 500 mil y 2 millones de mases solares- sinón tamién una galaxa bien rica en hidróxenu neutru y hidróxenu molecular. La pródiga nacencia d'estrelles eventualmente trai a un mayor númberu d'esplosiones de supernovas.[1]

Al igual que M101, ésta galaxa de bulbu galácticu pequeñu paez escarecer d'un furacu prietu supermasivu nel so centru.

NGC 6946 foi incluyida nel Atles de galaxes peculiares de Halton C. Arp col númberu Arp 29, siendo considerada ellí una galaxa con un brazu espiral bien definíu.

Galaxa espiral NGC 6946.

Ver tamién[editar | editar la fonte]

Enllaces esternos[editar | editar la fonte]

Referencies[editar | editar la fonte]

  1. Más información en Gemini Observatory (n'inglés)