Salvador Seguí

De Wikipedia
Saltar a navegación Saltar a la gueta
Salvador Seguí
Salvador Segui (CNT).JPG
Vida
Nacimientu Lleida23  d'avientu de 1886
Nacionalidá Bandera d'España España
Fallecimientu

Barcelona10  de marzu de 1923

(36 años)
Estudios
Llingües castellanu
catalán
Oficiu
Oficiu anarcosindicalista, políticu y sindicalista
Miembru de Confederación Nacional del Trabayu
Cambiar los datos en Wikidata
Lápida de Salvador Seguí nel cementerio de Montjuïc

Salvador Seguí Rubinat (23  d'avientu de 1886Lleida - 10  de marzu de 1923Barcelona), conocíu como El noi del sucre ('El rapaz del azúcar'), foi una de les persones más destacaes del anarcosindicalismu de Cataluña nos entamos del sieglu XX. Buscó dar un nuevu puxu a la llucha proletaria ensin escaecer les esencies del so ideariu anarquista.

Formóse como pintor, profesión que siempre exerció y cola que se ganó la vida. Yá dende bien mozu mostró inquietú pola política y por les idees llibertaries; seguidor de la Escuela Moderna de Francisco Ferrer Guardia y de varios autores como Sorel, Kropotkin, Reclus o Cornelissen, na so formación autodidacta tamién se relacionó con personaxes culturales y políticos de la dómina, y con miembros y participantes del Ateneu Enciclopèdic Popular, como Francesc Layret.[1]

Afaló la formación y educación de les clases obreres dende los sindicatos como armes revolucionaries: la preparación intelectual, cultural y técnica de los trabayadores.

Foi presidente del Atenéu Sindicalista de Barcelona,[2] onde fundó y organizó la so biblioteca en 1915, llugar nel que s'asumieron funciones de centru superior d'estudios sindicalistes y anarquistes.

Impulsor de la creación de Solidaridad Obrera, formando parte del conseyu directivu (como vocal) a lo llargo d'un tiempo. En 1916 entama les negociaciones pa una pactu d'unidá d'acción ente la CNT y la UXT como frente únicu del movimientu obreru español que comportó inicialmente una güelga xeneral de 24 hores como protesta pol aumentu de preciu de subsistencies y que continuó con una güelga xeneral indefinida, en 1917, en petición al Gobiernu español d'un sistema que garantizara a la población el desarrollu d'actividaes emancipadores y mínimes condiciones de calidá de vida.

Elexíu secretariu xgeneral de la CNT de Cataluña nel Congresu Rexonal entamáu en Sants, en 1918, propuso que fuera permitida la intervención de los maestros racionalistes n'aspectos de sindicatos "siempre que s'entamaran corporativamente"; respaldáu pola totalidá de delegaos al so favor foi adoptao como resolución.[3]En congresos posteriores, xunto a Ángel Pestaña y Juan Peiró opúsose a acciones más exaltaes llevaes a cabu por otros miembros de la CNT.[4] Cabe mencionar l'entamáu nel Teatru de la Comedia (Madrid) o el Plenu de rexonales de Zaragoza nos que presentaron la proposición de retirada de la CNT de la Tercera Internacional.

Foi deteníu en diverses ocasiones por mor de la so actividá anarcosindicalista. A lo llargo de la güelga de La Canadiense alcontrábase presu pero foi lliberáu'l mesmu día en que se desconvocó y pudo poner n'evidencia les sos grandes dotes d'orador na asamblea entamada pol comité de güelga, na Plaza de toros de las Arenas de Barcelona pa informar sobre los acuerdos llegaos col gobiernu. En payares de 1920 y xunto con Lluís Companys, el sindicalista Martí Barrera y hasta trenta y seis persones más, foi deportáu al castiellu de la Mola (Mahón).

El 10 de marzu de 1923, en plena xera por promover ente los trabayadores la idea de la emancipación como motor d'una sociedá existente, foi asesináu d'un tiru na esquina de la calle Cadena con Sant Rafael, nel barriu del Raval de Barcelona, por pistoleros blancos del Sindicato Libre[5] de la patronal catalana, protexida pol Gobernador Civil de Barcelona Martínez Anido,[6] agrupada en torno a la Lliga Regionalista. Nel mesmu episodiu dexaron malferíu al tamién anarcosindicalista Francisco Comes, conocíu como "Perones", que morrería pocos díes depués.

Salvador recibió varios homenaxes posteriores a la so muerte, como la Fundación Salvador Seguí.

Ta enterráu nel cementeriu de Montjuïc de Barcelona, nuna zona próxima a les tumbes d'Anselmo Lorenzo, Francesc Layret y Francisco Ferrer.

Referencies[editar | editar la fonte]

  1. Aisa, Ferran. Una història de Barcelona, Ateneu Enciclopèdic Popular (1902-1999). Lallevir SL / Virus editorial, Barcelona,2000
  2. Cruells, Manuel. Salvador Seguí: el noi del Sucre. Barcelona, Ariel, 1974
  3. Solà, Pere. Las escuelas racionalistas en Cataluña (1909-1939). Barcelona, Tusquets editor, 1976.
  4. 0-19-280129-5
  5. Autores varios.Història de la cultura catalana. Edicions 62, Barcelona, 1999
  6. GUÉRIN, Daniel: No Gods, No Masters: An Anthology of Anarchism. AK PressPolitics, 2006. 1-904859-25-9