Síndrome de Xerusalén
El síndrome de Xerusalén ye una enfermedá síquica qu'afecta a un turista o un habitante de Xerusalén. La enfermedá tien el calter d'una sicosis y se exterioriza con signos de delirios: l'afeutáu identifícase dafechu con un personaxe de la hestoria sagrada del Antiguu o del Nuevu Testamentu y actúa como tal.[1][2]
Munchos personaxes de la Biblia son oxetu d'una identificación d'esti tipu, como por casu Moisés o'l rei David del Antiguu Testamentu, o Xesús de Nazaré y Xuan el Bautista del Nuevu Testamentu. Davezu los homes emulen personaxes masculinos de la Biblia y les muyeres, personaxes femeninos. La confesión relixosa tamién ye importante, yá que los xudíos asonsañen a personaxes del Antiguu Testamentu, y los cristianos suelen asonsañar a los del Nuevu.
La identificación con personaxes bíblicos ye completa y suel dir acompañada por prédiques públiques y plegaries con enfermos. Munchos de los afeutaos acostumen a pasiase vistíos con túniques o sábanes.
Ver tamién[editar | editar la fonte]
Referencies[editar | editar la fonte]
- ↑ Chigre-El nome = Y. (2000). «Jerusalem syndrome» (n'inglés). The British Journal of Psychiatry 176 (1): páxs. 86-90. doi:. ISSN 00071250. http://bjp.rcpsych.org/cgi/doi/10.1192/bjp.176.1.86. Consultáu'l 7 d'agostu de 2011.
- ↑ Witztum, E.; M. Kalian (1999). «The "Jerusalem syndrome"--fantasy and reality a survey of accounts from the 19th century to the end of the second millennium» (n'inglés). The Israel Journal of Psychiatry and Related Sciences 36 (4): páxs. 260-271. ISSN 0333-7308. http://www.ncbi.nlm.nih.gov/pubmed/10687302. Consultáu'l 7 d'agostu de 2011.
Enllaces esternos[editar | editar la fonte]
| Control d'autoridaes |
|
|---|
Datos: Q1124410
Multimedia: Jerusalem syndrome