Ruth Westheimer

Ruth Westheimer
Vida
Nacimientu	Wiesenfeld (en) , 4 de xunu de 1928
Nacionalidá	República de Weimar (1928 - 1933); Alemaña nazi (1933 - 1941); Estaos Xuníos (1965 - 2024); Alemaña (2007 - 2024)
Residencia	Washington Heights (es)
Llingua materna	inglés
Muerte	Manhattan, 12 de xunetu de 2024 (96 años)
Familia
Fíos/es	Joel Westheimer
Estudios
Estudios	Universidá de Columbia 1970) D.Ed. (es) ; Sorbonneb Universidá de París : sicoloxía; Centro Médico Weill Cornell (es)
Direutora de tesis	Shirley Zussman
Llingües falaes	inglés; alemán; francés; hebréu
Oficiu
Oficiu	llocutora radiofónica, terapeuta sexual, presentadora de televisión, educadora sexual, profesora universitaria, socióloga, escritora, actriz de televisión, actriz de teatru, actriz de voz, francotiradora
Altor	140 cm
Emplegadores	Sorbonneb Universidá de París
Premios	ver Ellis Island Medal of Honor ; Fellow of the New York Academy of Medicine ; Magnus Hirschfeld Medal (1994) ; Leo-Baeck-Medal (2002) ; Salón de la Fama de las Mujeres en Tecnología (2010) ;
Miembru de	Academia de Medicina de Nueva York
Serviciu militar
Cuerpu militar	Haganá (es)
Lluchó en	Guerra árabe-israelina de 1948
Creencies
Relixón	xudaísmu
IMDb	nm0922756
	drruth.com

Ruth Westheimer (nome de soltera: Karola Ruth Siegel; 4 de xunu de 1928, Wiesenfeld ^(en) – 12 de xunetu de 2024, Manhattan) foi una sexóloga xermano-americana, autora y divulgadora per radiu y televisión. Foi conocida tamién como Dra. Ruth.

Biografía

Ruth Westheimer nació nuna familia de xudíos ortodoxos, fía única d'Irma (de soltera, Hanauer) y Julius Siegel. El so padre foi deteníu pola Gestapo en 1938 y poco depués, en xineru 1939, foi unviada a un orfanatu en Heiden (Suiza), nun "Kindertransport" xunto a otros neños xudíos. La so madre quedóse, xuntu cola so güela, n'Alemaña y nun se tuvieron más noticies d'ellos, nin del padre, a partir de 1941. Suponse que fueron muertos pol nazismu, posiblemente n'Auschwitz.

Tres la guerra emigró al mandatu británicu de Palestina, y depués xunióse a la Haganá onde, magar la so escasa estatura de 140 cm, recibió entrenamientu como tiradora d'élite y esploradora. N'Israel abandonó'l nome de Karola y tomó namás el so segundu nome de Ruth. El día del so 20 aniversariu, mientres la guerra árabe-israelina, foi mancada por una esplosión de morteru y casi perdió los dos pies. Dos años depués emigró a París, onde estudió psicoloxía na Sorbona. En 1956 emigró a Estaos Xuníos, como madre soltera con una fía que yera malapenes un ñácaru, y fixo dellos trabayos precarios pa siguir colos estudios. Llogró un máster na New School (1959), y más palantre (1970), doctoróse n'educación pola Universidá de Columbia. Foi profesora en diverses universidaes y tuvo un consultoriu de sexoloxía.

A partir de 1980 participó nun programa radiofónicu sobre sexualidá, Sexually Speaking, que siguió hasta 1990. Depués empecipió un programa de televisión, The Dr. Ruth Show, que tuvo una gran audiencia, yá que daba conseyos serios y científicos, respetuosamente, pero d'una forma atenta y cercana. A partir d'ehí participó n'otros munchos programes y llegó a escribir 45 llibros sobre sexu y sexualidá.

Recibió numberoses reconocencies: foi introducida al Radio Hall of Fame, recibió la Medaya Magnus Hirschfeld, la Medaya d'Honor Ellis Island, la medaya Leo Baeck, el premiu a la planificación familiar Margaret Sanger y la Orde al Méritu de la República Federal Alemana.

Vida personal

Tocantes a la so vida personal, casó trés vegaes. Depués de dos matrimonios bien curtios, el postreru foi con Manfred Westheimer, tamién un superviviente del nazismu, de quien tomó l'apellíu. Westheimer adoptó a la fía que tuviera en París y tuvieron xuntos un fíu.

A pesar de ser ciudadana d'Estaos Xuníos dende 1965, recuperó en 2007 tamién la nacionalidá alemana pola mor del "German Citizenship Project", que facía posible a los americanos a los que quitaron la so nacionalidá alemana pol nazismu de recuperala.

Referencies

↑ Afirmao en: Babelio. Identificador Babelio de autor: 191094. Apaez como: Ruth Karola Westheimer. Llingua de la obra o nome: francés.
↑ ^2,0 ^2,1 «Dr. Ruth Westheimer, America's diminutive and pioneering sex therapist, dies at 96» (13 xunetu 2024).
↑ ^3,0 ^3,1 Afirmao en: NYAM Directory of Fellows and Members. Data de consulta: 10 ochobre 2020. Editorial: Academia de Medicina de Nueva York. Llingua de la obra o nome: inglés.
↑ «Dr. Ruth Westheimer». Women in Technology International. Consultáu'l 13 xunetu 2024.

Enllaces esternos

Páxina web oficial (n'inglés)
Ruth Westheimer na Internet Movie Database (n'inglés)
Ruth Westheimer en Twitter (cuenta verificada)

[28b8a5961a2f618631e52b0ab960ef8c9913af59-1] Afirmao en: Babelio. Identificador Babelio de autor: 191094. Apaez como: Ruth Karola Westheimer. Llingua de la obra o nome: francés.

[60a4314311261e91f3219fa0a9b1ea8aaba44ffa-2] 2,0 ^2,1 «Dr. Ruth Westheimer, America's diminutive and pioneering sex therapist, dies at 96» (13 xunetu 2024).

[a07f0fae2c0fb8f9de26dbaa33e549cd98223a6c-3] 3,0 ^3,1 Afirmao en: NYAM Directory of Fellows and Members. Data de consulta: 10 ochobre 2020. Editorial: Academia de Medicina de Nueva York. Llingua de la obra o nome: inglés.

[e3c88ba0ed4c1b0e8a85632decdbeb3471fba8a4-4] «Dr. Ruth Westheimer». Women in Technology International. Consultáu'l 13 xunetu 2024.

[1]

[2]

[3]

[4]