Rotanev

De Wikipedia
Saltar a navegación Saltar a la gueta
Rotanev
Rotanev A/B
Constelación Delphinus
Ascensión reuta α 20h 37min 32,94s
Declinación δ +14º 35’ 42,3’’
Distancia 97 ± 3 años lluz
Magnitú visual +4,1 / +4,9
Magnitú absoluta +1,24 (conxunta)
Lluminosidá 18 / 8 soles
Temperatura 6500 / 6500 K
Masa 2,2 / 1,8 soles
Tipu espectral F5IV / F5IV
Velocidá radial -22,7 km/s

Rotanev (β Delphini / β Del / 6 Delphini / HD 196524)[1] ye la estrella más brillosa de la constelación del Delfín con magnitú aparente +3,63. L'interesáu nome de Rotanev apaeció per primer vegada nel Cátalogo d'estrelles de Palermo de 1814, ensin nenguna esplicación al respeutu. Darréu, l'astrónomu Thomas Webb afayó que'l nome foi acuñáu pol ayudante del astrónomu Giuseppe Piazzi, Niccolo Cacciatore, quien invirtió'l so apellíu latinizado Venator, conviertiéndolo en Rotanev.[2]

Rotanev ye una binaria espectroscópica colos sos dos componentes, de magnitúes +4,0 y +4,9, dixebraes unos 0,65 segundos d'arcu. Bien similares los dos, son subxigantes blancu-marielles de tipu espectral F5IV y 6500 K de temperatura; Rotanev A ye 18 vegaes más lluminosa qu'el Sol, ente que Rotanev B ye namái 8 vegaes más lluminosa que la nuesa estrella. La velocidá de rotación d'una —o de dambes estrelles ye modesta, 40 km/s. Per otra parte, Rotanev amuesa peculiaridaes na so composición química —específicamente nel casu del estronciu— de resultes del fundimientu o ascensu de les distintes clases d'átomos. Sicasí, la so bayura relativa de fierro ye relativamente corriente.[3] El sistema alcuéntrase a 97 años lluz del Sistema Solar.

La separación media ente los dos componentes de Rotanev ye de 13 UA, anque la escentricidá de la órbita fai qu'ésta varie ente 8 y 18 UA a lo llargo del periodu orbital de 26,7 años. El apoastru —máxima separación— tuvo llugar en 2002.[3] Coles mesmes, hai otros trés estrelles de poca magnitú que visualmente apaecen al pie de Rotanev, pero nun formen parte del sistema estelar.

Referencies[editar | editar la fonte]