Rellampu

De Wikipedia
Saltar a navegación Saltar a la gueta
Rellampu ente nubes

El rellampu o rellampíu ye un resplandíu muy vivu producíu nes nubes por una descarga lléctrica.

Existen delles desplicaciones desemeyaes de como se produz el rellumu del rellampu. La diferencia de voltaxe débese sobre tou a les desemeyaes velocidaes d'ionización de los componentes de los gases que formen les nubes. La ionización d'estos componentes débese en sí mesma al efeutu de la lluz solar y a la diferencia de temperatures dientro de los estratos de la nube, asina como a la diferencia de temperatures ente día y nueche. A diferencia del rayu, el rellampu amiya de les nubes en forma ramificada y xamás algama la tierra anque'l mesmu siga, mesmo que’l rayu, lo que llámase gradiente de voltaxe o de potencial llétricu; esto ye, la llinia reuta más curtia que xune dos variaciones máximes de voltaxe, dándo-y al rayu esa forma tan peculiar. El rellampu produzse asina: al llover sobre la superficie terrestre, produzse evaporación natural (causada pol fenómenu de la conveición), llevando p'arriba gotes d'agua, ye dicir, H2O. Mentanto, a un altor de 2,5 a 3 kilómetros onde la temperatura ye de 15 a 20 graos Celsius embaxo cero, producense cristales de xelu que caen por gravedá y que choquen coles gotes d'agua que xuben pola evaporación. Estes esfriegues y choques producen la xebra de cargues llétriques (disociación), y xenérase un campu llétricu, ye dicir, fuercies que s’exercen ente cargues, hasta que llega’l momentu en que danse tresferencies de cargues, conocíes como rellampos.

Cálculu de la distancia de cayida[editar | editar la fonte]

Existe un métodu cenciellu pa determinar la distancia a la que cai un rayu darréu del rellampu y el truenu a élli venceyaos. El métodu básase en que la lluz y el soníu propáguense a velocidaes muy desemeyaes. Llamando a les tres incógnites d a la distancia, tr al tiempu que tarda’l rellampu en llegar hasta’l observador y ts al tiempu que tarda el truenu en llegar hasta’l observador, y midiendo el tiempu tiense:


onde ye la velocidá de la lluz y la velocidá del soníu. Resolviendo'l sistema d'ecuaciones tiense:


Ye dicir, que midiendo el tiempu que pasa ente’l rellampu y el truenu puédese estimar la distancia, cada 3 segundos d'allancia equival a 1 km de distancia.

Referencies[editar | editar la fonte]

Bibliografía[editar | editar la fonte]

  • Ritenour AE, Morton MJ, McManus JG, Barillo DJ, Cancio LC; Morton; McManus; Barillo; Cancio (2008). "Lightning injury: a review". Burns 34 (5): 585–94.
  • Ronald L. "Holle Annual rates of lightning fatalities by country." . 0th International Lightning Detection Conference. 21–23 April 2008. Tucson, Arizona, USA. Retrieved on 2011-11-08.