Reinu de Galitzia y Lodomeria

De Wikipedia
Saltar a navegación Saltar a la gueta

Reinu de Galitzia y Lodomeria

Provincia del imperiu austriacu

1772-1918

Bandera de Galitzia

Bandera

Llocalización de Galitzia
Estensión de Galitzia y Lodomeria (en colloráu) dientro del Imperiu austrohúngaru (c. 1914)
Capital Lemberg
Llexislatura Dieta
Historia
 • Afitáu 1772
 • Disolución 1918


El Reinu de Galitzia y Lodomeria (nome oficial n'alemán: Königreich Galizien und Lodomerien; en polacu: Królestwo Galicji i Lodomerii; y n'ucraín: Королівство Галичини і Лодомерії) foi ente 1772 y 1918 una tierra de la corona perteneciente a los territorios dinásticos de los Habsburgu[1] (nel marcu de la monarquía de los Habsburgu, l'Imperiu austriacu y de la Cisleitania austrohúngara).

Historia[editar | editar la fonte]

Galitzia-Lodomeria y Bukovina (1777-1782)

Tuvo'l so orixe en 1772 na incorporación a los dominios de los Habsburgu del territoriu tres la primer partición de la Mancomunidá de Polonia-Lituania.[2]

La denominación del reinu foi acuñada na corte de María Teresa d'Austria, entós tamién reina d'Hungría, una y bones los distritos d'Hálych (Galitzia) y Volodímir (Lodomeria) pertenecieren sieglos tras, antes de la so anexón pol Reinu de Polonia, al Reinu d'Hungría, que los sos monarques adoptaron mientres un tiempu'l títulu de «duques de Galitzia y Lodomeria». De mayor estensión qu'el so hestóricu predecesor, primeramente unos 45 000 km², recibió categoría de territoriu patrimoniu de la corona (Kronland).[3]

La provincia del imperiu austriacu de Bucovina tuvo incluyida formalmente nel reinu de Galitzia ente 1787 y 1790, ente 1817 y 1849 y ente 1860 y 1861.[4]

Galitzia Occidental, que fuera propiedá del imperiu austriacu dende la Tercer partición de Polonia de 1795, tuvo fundida col reinu de Galitzia dende 1803, estableciéndose la capital en Lemberg (Leópolis).[5]

De resultes del Tratáu de Schönbrunn de 1809, l'Imperiu austriacu dexó dos territorios del reinu de Galitzia: la enantes mentada Galitzia Occidental (incluyendo a Cracovia) al Ducáu de Varsovia, y una parte de la Galitzia Oriental, el llamáu distritu de Tarnopol, al Imperiu rusu.[6] En 1815 Tarnopol retornaría a control austriacu.[7]

En 1846, l'hasta entós Ciudá Llibre de Cracovia foi incorporada a Galitzia[8] y al imperiu austriacu.

Referencies[editar | editar la fonte]

  1. Magocsi, 2002, p. 57.
  2. Ciuciura, 1985, p. 247.
  3. Davies, 2013, pp. 516-517.
  4. Glajar, 2004, p. 20.
  5. Vushko, 2015, p. 226.
  6. Wandycz, 1975, p. 53.
  7. Wandycz, 1975, p. 71.
  8. Himka, 1999, p. 6.

Bibliografía[editar | editar la fonte]