Reglamentu Xeneral de Protección de Datos

De Wikipedia
Saltar a navegación Saltar a la gueta

El Reglamentu Xeneral de Protección de Datos (RXPD) ye'l reglamentu européu relativu a la protección de les persones físiques no que respecta al tratamientu de los sos datos personales y a la llibre circulación d'estos datos. Entró a valir el 25 de mayu de 2016 y foi d'aplicación el 25 de mayu de 2018, dos años mientres los cualos les empreses, les organizaciones, los organismos y les instituciones fueron adautando-se pal so cumplimientu. Ye una normativa a nivel de la Xunión Europea, polo que cualesquier empresa de la xunión, o aquelles empreses que tengan negocios na Xunión Europea, que remanen información personal de cualquier tipu, tendrán d'acoyese a la mesma. Les multes pol non cumplimientu del RXPD pueden llegar a los 20 millones d'euros.

N'España, el RXPD dexó anticuada la Llei Orgánica de Protección de Datos de Calter Personal (LOPD) de 1999, siendo sustituyida'l 6 d'avientu de 2018 pola Llei Orgánica de Protección de Datos Personales y garantía de los derechos dixitales, acorde col RXPD.