Conseyu de la Xunión Europea

De Uiquipedia
Saltar a: navegación, buscar

El Conseyu de la Unión Europea, conocíu tamién como’l Conseyu de Ministros, ye l’encargáu de facer les lleis comunitaries. Esta institución collexisla, ye dicir, llexisla xunto al Parllamentu Européu.

A diferencia de los estaos democráticos, onde son los parlamentos los que faen les lleis, na Unión son los ministros los encargaos d’esta xera. Hai tantos Conseyos de Ministros como materies (agricultura, pesca, trasportes…).

Esta institución ta compuesta anguaño por 27 miembros, ún representante por cada Estáu miembru que tien que tener el rangu de ministru, anque tamién pue ser un conseyeru autonómicu. Cada miembru defenderá los intereses particulares del so Estáu mientres la gueta del interes común del continente.

La toma de decisiones ye por mayoría, mayoríes que se formes acordies col votu ponderáu, eso ye que’l votu de cada representante val según la población del Estáu que representa. Polo tanto, un votu d’Alemaña, Francia, Italia o’l Reinu Xuníu val 29, mientres que’l votu de Malta val 3.

El Conceyu de Ministros ta encabezáu pol presidente de turnu de la Unión Europea, yá qu’esta ta presidida cada seis meses por un país diferente. El Conseyu va aconceyase nel Estáu al que-y toque gobernar.