Radio Castilla-La Mancha

De Wikipedia
Saltar a navegación Saltar a la gueta
Radio Castilla-La Mancha
radio
Web oficial
Cambiar los datos en Wikidata

Radio Castilla-La Mancha (RCM) ye la emisora de radio autonómica de Castiella-La Mancha.

Foi creada por decretu de les Cortes rexonales el 26 de mayu de 2000, y el 30 de mayu de 2001 entamó les sos emisiones regulares. Los sos estudios centrales asítiense na ciudá de Toledo. Angüaño, el so direutor ye Guillermo Vila, que sustituyó a José Luis Bravo y a Alfonso García, el primer direutor de la emisora nos sos inicios.

Xuntu con Castilla-La Mancha Televisión (CMT) formen l'ente públicu Radiotelevisión de Castilla–La Mancha.

Dende'l 3 de febreru de 2009 Radio Castilla-La Mancha emite na TDT en tol territoriu de Castiella-La Mancha

Pue sentise en tola rexón y n'amplies zones llimítrofe como Madrid, parte de Castiella y Llión (provincies d'Ávila y Soria), la Comunidá Valenciana, Estremadura, Andalucía, Rexón de Murcia y Aragón.

Historia[editar | editar la fonte]

Dende los sos inicios y hasta ochobre de 2011, la programación basose na fórmula musical, informativos y programes temáticos.

Na so primera etapa, amás de la fórmula musical y los informativos, emitiéronse otros programes temáticos que foron desapaeciendo de la parrilla: 'En clave de Mujer', 'Planeando', 'MIX RCM', ente otros.

Hasta setiembre de 2007, les 24 horas de programación en direutu. Nesa fecha, la fórmula musical quedó completamente automatizada, con llocuciones y presentaciones pregrabaes. Este llabor foi realizáu por José Ramón Pardo, excompañeru y collaciu del exdireutor del Ente Públicu RTVCM, Jordi García Candau, al traviés de la so empresa RamaLama Music, que xestionaba n'esclusiva los temes musicales que s'emitíen en Radio Castilla-La Mancha, siendo na mayoría coples, pasodobles y música popular española de los años 50 y 60.

Caltuviéronse en direutu los boletinos horarios, informativos, un espaciu deportivu diariu, seis programes musicales y dos programes monográficos.

Dende'l 3 d'ochobre de 2011, Radio Castilla-La Mancha conviértese nuna radio de calter generalista, dexando'l modelu de radiofórmula musical.

Los Servicios Informativos tan dirixíos pol direutor de la emisora, Guillermo Vila.

Enllaces esternos[editar | editar la fonte]