Ríu Vaupés

Ríu Vaupés
Situación
Tipu	ríu
Coordenaes	0°02′03″N 67°16′50″W / 0.0342°N 67.2806°O
	Ríu Vaupés Ríu Vaupés (Brasil)
Datos
Conca hidrográfica	conca del Amazones
Superficie de la conca	64 890 km²
Llonxitú	1050 km
Desembocadura	Ríu Negro
Afluentes	ver Río Papurí (es) ;

El ríu Vaupés (en Brasil y en portugués: rio Uaupés) ye un llargu ríu amazónicu, unu de los principales afluentes del ríu Negru, de la mesma l'afluente más caudalosu del ríu Amazones. El ríu escurre por Colombia —nos departamentos de Guaviare y Vaupés— y por Brasil —nel estáu d'Amazones—. Tien un llargor total de 1.050 km.^[1]

Xeografía

El ríu Vaupés naz nel departamentu de Guaviare, al oeste de la llocalidá de Calamar (02°03′N 72°53′W / 2.050°N 72.883°O / 2.050; -72.883),^[1] na confluencia del ríu Itilla y el ríu Unilla. Escurre en direición este, bañando les llocalidaes de Miraflores, Puertu Silvania, Santa Rosa, Tucuña, Mitú (la capital del departamentu de Vaupés) y, en recibiendo al ríu Cuquiari pela derecha, Querani, yá na frontera con Brasil, onde recibe al ríu del mesmu nome, ríu Querari.

A partir d'equí'l cursu del ríu Vaupés forma mientres un tramu frontera natural ente Colombia y Brasil, y nesti país el ríu conozse como Uaupés, y ye navegable en parte. Traviesa les llocalidaes brasilanes de Puraquê, Ponta Cuiubi y Iauaretê, onde dexa de ser frontera ya intérnase en direición sur nel estáu brasilanu d'Amazones. Pasa peles llocalidaes de Paraná Juca, Tuluca, Açai Paraná y São Joaquim, onde desagua finalmente nel ríu Negru. Nesti tramu brasilanu, el ríu escurre íntegramente pel territoriu indíxena Altu Ríu Negru, que tamién ye en gran parte Reserva Forestal del ríu Negru. Nesti tramu'l ríu pasa mui cerca de la llinia del Ecuador en delles ocasiones. Los principales afluentes d'esti tramu son los ríos Papuri, Tiquié y Iauiari. Alredor del so cursu hai munchos pequeños llagos, restos de dómines de crecida, desagüen na llinia del ecuador.

Historia

L'esplorador y fotógrafu italianu Ermanno Stradelli (1852–1926) realizó un viaxe per esti ríu en 1881, patrocináu pola Società Geografica de Roma, publicando les sos impresiones en 1890, «Il Vaupes e gli Vaupes». (Bolletino della Società Geografica Italiana, 3a. serie, vol. 3, 425-453).^[2]

Ver tamién

it:Ermanno Stradelli, artículu na Wikipedia italiana.

Referencies

↑ ^1,0 ^1,1 Los datos sobre esti ríu provienen de la publicación de la FAO, Les agües continentales d'América Llatina, de R. Ziesler y G.D. Ardizzone, 1979. Disponible en: http://www.fao.org/docrep/008/ad770b/AD770B06.htm.
↑ Disponible en formatu pdf en: http://biblio.etnolinguistica.org/stradelli-1890-il-vaupes

Enllaces esternos

Información ambiental de l'Amazonia colombiana Archiváu 2008-11-21 en Wayback Machine

[FAO-1] 1,0 ^1,1 Los datos sobre esti ríu provienen de la publicación de la FAO, Les agües continentales d'América Llatina, de R. Ziesler y G.D. Ardizzone, 1979. Disponible en: http://www.fao.org/docrep/008/ad770b/AD770B06.htm.

[2] Disponible en formatu pdf en: http://biblio.etnolinguistica.org/stradelli-1890-il-vaupes

[1]

[2]