Ríu Congo

De Wikipedia
(Redirixío dende Ríu Congu)
Saltar a: navegación, buscar
Congo
Matadi.jpg
Alministración
Estaos El Congu
República Democrática d'El Congu
Xeografía
Coordenaes 6°04′45″S 12°27′00″E / -6.0791666666667, 12.45Coordenaes: 6°04′45″S 12°27′00″E / -6.0791666666667, 12.45
Error de Lua en Módulu:Minimapa na llinia 442: Unable to find the specified Minimapa definition. Neither "Module:Minimapa/data/Angola" nor "Template:Minimapa Angola" exists.
Llonxitú 4.380 km
Altitú de la fonte 1.590 m
Boca Océanu Atlánticu
Hidroloxía
Superficie de la cuenca 3.700.000 km²
Caudal mediu 41.300 m³/s
Cambiar los datos en Wikidata

El ríu Congo (tamién conocíu como Zaire) ye'l mayor ríu d'África central, tien un llargor de 4.380 km, que lu convierten nel segundu más llargu d'África (dempués del Nilu), la so cuenca toma una estensión de 3.700.000 km², que supon más de la décima parte de la superficie africana y qu'inclúi los territorios de la República Democrática d'El Congu y la Republica d'El Congo, según una gran parte de la República Centroafricana y dalguna parte del territoriu de Zambia, Angola, Tanzania, Camerún y Gabón. El ríu y los sos afluentes percuerren la segunda selva más grande del mundu, tres l'Amazonia. El Congo tamién ye'l segundu ríu más caudalosu del mundu dempués del Amazones, con 41.300 metros cúbicos per segundu, aprosimadamente.

Tien la so nacencia na República Democrática d'El Congu, a la que da nome según a la vecina El Congu. Nesti cursu altu, nel que recibe'l nome de ríu Lualaba, sigue una trayeutoria constante escontra'l norte, hasta llegar a les catarates Boyoma, al altor de la ciudá de Kisangani, momentu nel que xira escontra l'oeste, formando una amplia curva.

El Congo traviesa en dos causes l'Ecuador y ye fácilmente navegable en seiciones de gran distancia, en particular ente Kisangani y el llagu Malebo, nos que mientres 1.685 km el ríu ye ampliu y fondu. Nesti llagu que supon un enanche del ríu, atópense les capitales Kinshasa y Brazzaville. Un pocu más al oeste de Kinshasa la corriente estrechase y cai per una cadena de catarates creaes por una serie de cañones fondos, conocíes como les «catarates Livingstone», onde flúi de manera violenta, el Congo solo asélase escontra Matadi (a 116 km del océanu Atlánticu) y Boma (a unos 70 km en llinia recta). Finalmente desagua nuna angosta enllanada d'hinchente al traviés d'un estuariu (un solu calce) que tien casi 5 km d'anchor cerca de la pequeña ciudá de Muanda.

Anque les catarates de Livingstone torguen l'accesu a la zona navegable del Congo dende'l mar, esiste un ferrocarril que salva la distancia. Gran parte del comerciu del África Central pasa per esa vía ferrial, llevando mercancíes dende'l puertu de Boma a la parte navegable del Congo.

Enllaces esternos[editar | editar la fonte]